சாலை விபத்தில் பனியன் தொழிலாளி உயிரிழப்பு

அவிநாசி அருகே பெருமாநல்லூரில் நின்று கொண்டிருந்த பேருந்தில் இருசக்கர வாகனம் மோதி விபத்துக்குள்ளானதில் பனியன் தொழிலாளி வியாழக்கிழமை உயிரிழந்தாா்.

திருப்பூா் எம்.எஸ். நகா் பகுதியைச் சோ்ந்தவா் அருணாச்சலம் மகன் சீனிவாசன் (28). பனியன் நிறுவன தொழிலாளி.இவா் தன்னுடன் பணியாற்றும் புகழேந்தி (24), சுபாஷ் (24) ஆகியோருடன் பெருமாநல்லூா்- குன்னத்தூா் சாலையில் இருசக்கர வாகனத்தில் சென்று கொண்டிருந்தாா்.

அப்போது நிலை தடுமாறிய இருசக்கர வாகனம் சாலையோரம் நின்று கொண்டிருந்த பேருந்து மீது மோதி விபத்துக்குள்ளானது. இதில் இருசக்கர வாகனத்தில் வந்த 3 பேரும் பலத்த காயமடைந்து கோவை அரசு மருத்துவமனையில் அனுமதிக்கப்பட்டனா். இதில் சிகிச்சை பலனின்றி சீனிவாசன் உயிரிழந்தாா்.

இது குறித்து பெருமாநல்லூா் போலீஸாா் வழக்குப் பதிவு செய்து விசாரணை மேற்கொண்டு வருகின்றனா்.