வெங்கட்டம்பட்டியில் முனியப்பன் கோயில் குடமுழுக்கு விழா

தருமபுரி மாவட்டம், வெங்கட்டம்பட்டியில் உள்ள பழமைவாய்ந்த முனியப்பன் கோயில் குடமுழுக்கு விழா திங்கள்கிழமை நடைபெற்றது.
மூன்று கால பூஜைகள்,  கும்ப பூஜை,  மூலமந்திர ஜபம்,  மஹா பூர்ணாதி, வேத, நாத, கீத உபசார பூஜைகள் நடைபெற்றன. இதைத் தொடர்ந்து காலை 9.15 மணிக்கு கடம் புறப்பாடு நடைபெற்றது. தொடர்ந்து வேத மந்திரங்கள் ஓத சுவாமி சிலைகளுக்கு புனித நீர் தெளிக்கப்பட்டு குடமுழுக்கு செய்யப்பட்டது. தொடர்ந்து சிறப்பு அலங்காரத்தில் முனியப்பன் அருள்பாலித்தார். ஏராளமான பக்தர்கள் இதில் கலந்து கொண்டனர். பக்தர்களுக்கு அன்னதானமும் வழங்கப்பட்டது. முனியப்பன் சிலைகளுக்கு அண்மையில் வண்ணம் பூசி புனரமைப்புப் பணிகள் மேற்கொள்ளப்பட்டதைத் தொடர்ந்து தற்போது குடமுழுக்கு விழா நடைபெற்றது குறிப்பிடத்தக்கது.