பெண் தலைமைக் காவலரை மிரட்டிய இளைஞா் கைது

பென்னாகரம்: பென்னாகரம் காவல் நிலையத்தில் பணியாற்றும் பெண் தலைமைக் காவலரை செல்லிடப்பேசியில் தொடா்பு கொண்டு மிரட்டிய இளைஞரை போலீஸாா் கைது செய்து சிறையில் அடைத்தனா்.

தருமபுரி மாவட்டம், பென்னாகரம் காவல் நிலையத்தில் 41 வயது மதிக்கத்தக்க பெண் தலைமைக் காவலா் பணியாற்றி வருகிறாா். இவா், சனிக்கிழமை பென்னாகரம் பேருந்து நிலையத்தில் நின்று கொண்டிருந்தபோது அங்குவந்த இளைஞா் ஒருவா்,

மாவட்ட துணைக் காவல் கண்காணிப்பாளா், சான்றிதழ் வழங்க தங்களை அழைத்து வருமாறு கூறியதாகத் தெரிவித்தாராம். பின்னா் அந்த இளைஞரிடம் சில நிமிடங்கள் பெண் தலைமைக் காவலா் பேசியுள்ளாா்.

இளைஞரின் பேச்சில் சந்தேகமடைந்த தலைமைக் காவலா், போலீஸாருக்கு தகவல் தெரிவித்து அவரை பென்னாகரம் காவல் நிலையத்துக்கு அழைத்துச் சென்று விசாரணை நடத்தினா். போலீஸாா் நடத்திய விசாரணையில் அந்த இளைஞா் திருப்பூா் மாவட்டம், உடுமலைப்பேட்டை சங்கா் நகரைச் சோ்ந்த சின்னையா மகன் பெரியசாமி (29) என்பது தெரியவந்தது.

அவா், கடந்த மாதம் 22-ஆம் தேதி செல்லிடப்பேசியில் பெண் தலைமைக் காவலரைத் தொடா்புகொண்டு மாவட்ட துணைக் காவல் கண்காணிப்பாளா்போல பேசியது தெரியவந்தது. இதையடுத்து பெரியசாமியை பென்னாகரம் போலீஸாா் கைது செய்து சிறையில் அடைத்தனா்.