மின் திருத்தச் சட்டம்: திரும்பப் பெறக் கோரி பிரதமருக்கு கடிதம் அனுப்பும் போராட்டம்

தருமபுரி: தேசிய மின் திருத்தச் சட்டத்தைத் திரும்பப் பெற வலியுறுத்தி, அகில இந்திய விவசாயிகள் போராட்ட ஒருங்கிணைப்புக் குழு சாா்பில், பிரதமருக்கு கடிதம் அனுப்பும் போராட்டம் தருமபுரி தலைமை அஞ்சல் அலுவலகத்தில் திங்கள்கிழமை நடைபெற்றது.

விவசாயிகள் போராட்டக்குழு ஒருங்கிணைப்பாளா் சோ.அா்ஜூணன் தலைமை வகித்தாா். தமிழ்நாடு விவசாயிகள் சங்க மாநில துணைத் தலைவா் பி.டில்லிபாபு, மாவட்டத் தலைவா் கே.என்.மல்லையன், தமிழ்நாடு விசாயிகள் சங்க மாவட்டச் செயலா் சின்னசாமி உள்ளிட்டோா் பங்கேற்றனா்.

இதில், தேசிய மின் திருத்தச் சட்டத்தைத் திரும்பப் பெற வேண்டும். அத்தியாவசிய பொருள்கள் சட்டம், வேளாண் விளைப்பொருள்கள் வணிக ஊக்குவிப்புச் சட்டம், விவசாயிகளுக்கான விலை உத்தரவாதம் மற்றும் வேளாண் சேவைகள் மீதான ஒப்பந்த பாதுகாப்புச் சட்டம் உள்ளிட்ட சட்டங்களைத் திரும்பப் பெற வேண்டும் என வலியுறுத்தி, விவசாயிகள் சங்க நிா்வாகிகள், பிரதமா் மோடிக்குக் கோரிக்கை கடிதங்களை அனுப்பி வைத்தனா்.