பென்னாகரம் திமுக தோ்தல் அலுவலகம் திறப்பு

பென்னாகரத்தில் திமுக தோ்தல் அலுவலகம் திங்கட்கிழமை திறக்கப்பட்டது.

பென்னாகரம் புதிய பேருந்து நிலையம் பகுதியில் சட்டப்பேரவை திமுக தோ்தல் அலுவலகம் திறப்பு நிகழ்ச்சி நடைபெற்றது. இதில் பென்னாகரம் திமுக சட்டப்பேரவை உறுப்பினரும், தருமபுரி மேற்கு மாவட்டப் பொறுப்பாளருமான பிஎன்பி. இன்பசேகரன், குத்துவிளக்கேற்றி தோ்தல் அலுவலகத்தைத் திறந்து வைத்தாா்.

இந்த நிகழ்வில், ஏரியூா் ஒன்றியச் செயலாளா் செல்வராஜ், மாவட்டப் பிரதிநிதி சிவகுமாா், நகரச் செயலாளா் வீரமணி, சேலம் ஹோட்டல் வினு, மாவட்ட தகவல் தொழில்நுட்ப பிரிவு ஒருங்கிணைப்பாளா் காா்த்திக் உள்ளிட்ட கட்சியின் முக்கிய நிா்வாகிகள் கலந்து கொண்டனா்.