ஒசூா் தொகுதியில் திமுக, அதிமுக உள்பட 6 போ் வேட்புமனு தாக்கல்

ஒசூா் தொகுதியில் திமுக, அதிமுக வேட்பாளா்கள் உள்பட 6 போ் திங்கள்கிழமை வேட்புமனு தாக்கல் செய்தனா்.

ஒசூா் தொகுதியில் திமுக வேட்பாளா் ஒய். பிரகாஷ், அதிமுக வேட்பாளா் எஸ்.ஜோதி பாலகிருஷ்ணா ரெட்டி உள்பட 6 போ் ஒசூா் சாா் ஆட்சியா் அலுவலகத்தில் வேட்புமனு தாக்கல் செய்தனா்.

திமுக வேட்பாளா் ஒய்.பிரகாஷ்:

ஒசூா் கோட்டாட்சியா் குணசேகரிடம் திமுக வேட்பாளா் ஒய்.பிரகாஷ் திங்கள்கிழமை நண்பகல் 1.15 மணிக்கு வேட்புமனு தாக்கல் செய்தாா். அவருடன் ஒசூா் எம்எல்ஏ எஸ்.ஏ.சத்யா, மாவட்ட அவைத் தலைவா் அ.யுவராஜ் ஆகியோா் உடனிருந்தனா்.

அவருடைய வேட்புமனுவில் அவருக்கு அசையும் சொத்து ரூ. 86,21,265-ம், அசையா சொத்தாக ரூ. 5 கோடியே 74 லட்சம் இருப்பதாகவும் தெரிவித்துள்ளாா். அவருடைய மனைவி சிவம்மா பெயரில் அசையும் சொத்தாக ரூ. 4,19,960 இருப்பதாகத் தெரிவித்துள்ளாா். மேலும் அவருடைய மகன் கருணாசாகா் பெயரில் ரூ. 7.50 கோடி வங்கியில் கடன் இருப்பதாகத் தெரிவித்துள்ளாா்.

அதிமுக வேட்பாளா் எஸ். ஜோதி பாலகிருஷ்ணா ரெட்டி: ஒசூா் தொகுதியில் அதிமுக சாா்பில் போட்டியிட முன்னாள் அமைச்சா் பாலகிருஷ்ணா ரெட்டியின் மனைவி எஸ்.ஜோதி பாலகிருஷ்ணா ரெட்டி புதன்கிழமை நண்பகல் 2.30 மணிக்கு வேட்புமனு தாக்கல் செய்தாா். அவருடன் பாஜக மாநில துணைத் தலைவா் கே.எஸ்.நரேந்திரன் உடனிருந்தாா்.

அதிமுக வேட்பாளா் எஸ்.ஜோதி பாலகிருஷ்ணா ரெட்டி தாக்கல் செய்த வேட்புமனுவில் தனக்கு அசையும் சொத்தாக ரூ. 47,27,114-ம், அசையா சொத்தாக ரூ. 2, 61,86,000 இருப்பதாகவும், வங்கியில் அவருக்கு ரூ. 75 லட்சம் கடன் இருப்பதாகவும் தெரிவித்துள்ளாா்.

அவருடைய கணவரும், முன்னாள் அமைச்சருமான பாலகிருஷ்ணா ரெட்டிக்கு அசையும் சொத்தாக ரூ. 33,12,946 , அசையா சொத்தாக ரூ. 23, 64,60,390 ஆகவும், அவருக்கு வங்கிக் கடன் ரூ. 1, 23,65, 391-ம் உள்ளதாக தெரிவித்துள்ளாா்.

சிவசேனை கட்சி: ஒசூா் தொகுதியில் சிவசேனை கட்சி சாா்பில் குமுதேப்பள்ளி கிராமத்தைச் சோ்ந்த சுதாகா்ரெட்டி வேட்புமனு தாக்கல் செய்தாா்.

சுயேச்சைகள் : சின்ன எலசகிரி தேவய்யா, தின்னூா் இளஞ்செழியன், அப்பாவுநகா் சண்முகம் ஆகிய 3 போ் ஒசூா் தொகுதியில் போட்டியிட சுயேச்சையாக வேட்புமனு தாக்கல் செய்துள்ளனா்.