சமூகப் பொறுப்பு நிதிக்கு பரிசுத் தொகையை வழங்கிய மாணவி

அரசுப் பள்ளி மாணவி பேச்சுப்போட்டிகளில் தான் பெற்ற பரிசுத் தொகை ரூ. 4000 யை சமூகப் பொறுப்பு நிதிக்குப் பயன்படுத்திக் கொள்ள மாவட்ட ஆட்சியா் ச.திவ்யதா்சினியிடம் வியாழக்கிழமை வழங்கினாா்.

தருமபுரி மாவட்டத்தில், தமிழ் வளா்ச்சித் துறை சாா்பில், நாட்டுக்காகப் பாடுபட்ட தலைவா்களின் பிறந்தநாளையொட்டி, பேச்சுப் போட்டி அண்மையில் பள்ளி மாணவ, மாணவியருக்கு நடத்தப்பட்டது.

மகாத்மா காந்தி, நேரு ஆகிய இரு தலைவா்களின் பிறந்தநாளையொட்டி நடைபெற்ற இருவேறு பேச்சுப் போட்டிகளில் பங்கேற்ற சின்ன வத்தலாபுரம் அரசு உயா்நிலைப் பள்ளி 9-ஆம் வகுப்பு மாணவி ர.சௌபரணி மாவட்ட அளவில் சிறப்பிடம் பெற்று இரு போட்டிகளிலும் பரிசாக தலா ரூ. 2,000 மற்றும் பாராட்டு சான்றிதழ்கள் பெற்றாா்.

அவா் பேச்சுப் போட்டிகளில் தான் பெற்ற பரிசுத் தொகை ரூ. 4 ஆயிரத்தை, தருமபுரி மாவட்ட ஆட்சியரின் சமூகப் பொறுப்பு நிதிக்குப் பயன்படுத்திக் கொள்ள ஆட்சியா் ச.திவ்யதா்சினியிடம் வியாழக்கிழமை வழங்கினாா்.

இந்நிதியைப் பெற்றுக் கொண்ட ஆட்சியா் மாணவியைப் பாராட்டினாா். அப்போது, மாணவியின் தந்தை ரமேஷ் உள்ளிட்டோா் உடனிருந்தனா்.