பென்னாகரத்தில் ஒன்றியக் குழுக் கூட்டம்

பென்னாகரம் ஒன்றியக் குழுக் கூட்டத்தில் இருந்து திமுக மற்றும் அதன் கூட்டணிக் கட்சி உறுப்பினா்கள் 8 போ் வெளிநடப்பு செய்தனா்.

பென்னாகரம் வட்டார வளா்ச்சி அலுவலகத்தில் ஒன்றியக் குழுக் கூட்டம் வியாழக்கிழமை நடைபெற்றது. பென்னாகரம் ஒன்றியம் 19 உறுப்பினா்களைக் கொண்டது. அதிமுக உறுப்பினா்கள் ஆதரவோடு பாமகவைச் சோ்ந்த கவிதா ராமகிருஷ்ணன் ஒன்றியக் குழுத் தலைவராக உள்ளாா்.

இந்த நிலையில் வட்டார வளா்ச்சி அலுவலகத்தில் நடைபெற்ற ஒன்றியக் குழுக் கூட்டத்தில் கிராம ஊராட்சிகளில் முறையாக திட்டப் பணிகள் மேற்கொள்ளவில்லை, முடிவுற்ற திட்டப் பணிகளுக்கு நிதி ஒதுக்கவில்லை, ஒன்றியக் குழுக் கூட்டம் குறித்து உறுப்பினா்களுக்கு முறையான அழைப்பு விடுக்கவில்லை என தெரிவித்து திமுக கூட்டணியைச் சோ்ந்த 8 ஒன்றியக் குழு உறுப்பினா்கள் வெளிநடப்பு செய்தனா்.