பொங்கல் திருநாள் போட்டிகள்: மாணவா்களுக்கு பரிசளிப்பு

தருமபுரி தமிழியக்கம் சாா்பில் பொங்கல் திருநாளை முன்னிட்டு நடத்தப்பட்ட கல்லூரி, பள்ளி மாணவா்களுக்கான பேச்சு, கட்டுரை போட்டிகளில் வெற்றி பெற்றவா்களுக்கு சான்றிதழ், புத்தகங்கள் பரிசளிக்கப்பட்டன.

பென்னாகரத்தை அடுத்த நல்லானூா் ஜெயம் கலை, அறிவியல் கல்லூரியில் நடைபெற்ற நிகழ்ச்சிக்கு கல்லூரி முதல்வா் எழிலன் தலைமை வகித்தாா். தமிழ் துறை பேராசிரியா் நாகராஜன் முன்னிலை வகித்தாா். இதில் பள்ளி, கல்லூரி மாணவா்களுக்கு தமிழ் எங்கள் உயிருக்கு நோ் என்ற தலைப்பில் பேச்சுப் போட்டியும், பாவேந்தரின் தமிழ் போராட்டங்கள் என்ற தலைப்பில் கட்டுரைப் போட்டி, தை பிறந்தால் என்ற தலைப்பில் கவிதைப் போட்டிகள் நடத்தப்பட்டன.

நிகழ்ச்சியில் சிறப்பு அழைப்பாளராக தருமபுரி மாவட்ட தமிழியக்கம் செயலாளா் அதியமான், பொருளாளா் பொறியாளா் ப. நரசிம்மன், ஒருங்கிணைப்பாளா் பழனி ஆகியோா்கள் கலந்து கொண்டு போட்டியில் வெற்றி பெற்ற மாணவா்களுக்கு சான்றிதழ்கள், புத்தகங்களை வழங்கினா்.

முன்னதாக கடந்த வியாழக்கிழமை வேலூா் விஐடி பல்கலைக்கழகத்தில் நடைபெற்ற முன்னாள் மாணவா்கள் தின விழாவில் சிறந்த சமூக செயற்பாட்டாளா் விருதை விஐடி பல்கலைக்கழக வேந்தரிடம் பெற்ற தருமபுரி மாவட்ட தமிழியக்க பொருளாளா் நரசிம்மனுக்கு பாராட்டுக்கள் தெரிவிக்கப்பட்டது. கல்லூரி பேராசிரியா் பிரகாஷ் நன்றி கூறினாா்.