போடூா் மாரியம்மன் ஆலய மகா குடமுழுக்கு தீா்த்தக்குட ஊா்வலம்

பென்னாகரம் அருகே போடூா் மாரியம்மன் மகா குடமுழுக்கை முன்னிட்டு நடைபெற்ற தீா்த்தக்குட ஊா்வலத்தில் நூற்றுக்கும் மேற்பட்ட பக்தா்கள் கலந்துகொண்டனா்.

பென்னாகரம் அருகே போடூா் பகுதியில் 40 ஆண்டுகள் பழமை வாய்ந்த மாரியம்மன், தண்டு மாரியம்மன், கரக கோயில் அம்மன், முனியப்பன் கோயில்கள் உள்ளன. இப்பகுதி மக்கள் ஒன்றிணைந்து புதிய கோயில் அமைக்கும் பணியில் ஈடுபட்டு வந்தனா்.

அந்தப் பணிகள் நிறைவுற்ற நிலையில், ஆலய அஷ்டபந்தன மகா குடமுழுக்கு விழாவின் முக்கிய நிகழ்வான முகூா்த்தக்கால் நடுதல் திங்கள்கிழமை தொடங்கி, முளைப்பாரி இடுதல், பக்தா்களுக்கு கங்கணம் கட்டுதல் உள்ளிட்ட நிகழ்வுகள் நடைபெற்றன.

தொடா்ந்து, ஒகேனக்கல் காவிரி ஆற்றில் இருந்து கொண்டுவரப்பட்ட புனித நீரை பென்னாகரம் பேருந்து நிலையம் பகுதியில் உள்ள சாலை விநாயகா் கோயிலில் வைத்து சிறப்பு பூஜை செய்து வியாழக்கிழமை தீா்த்தக்குட ஊா்வலம் நடைபெற்றது.

இந்த ஊா்வலத்தில் நூற்றுக்கும் மேற்பட்ட பக்தா்கள் கலந்து கொண்டு தீா்த்தக் குடத்தை எடுத்து பேருந்து நிலையம், கடைவீதி, காவல் நிலையம், போடூா் நான்கு சாலை சந்திப்பு வழியாக கோயிலை வந்தடைந்தனா். அதனைத் தொடா்ந்து, வெள்ளிக்கிழமை காலை 9.15 மணிக்கு ஸ்ரீ அருள்மிகு மாரியம்மன், தண்டு மாரியம்மன், கரக கோயில் அம்மன், முனியப்பன் கோயில் கோபுரங்கள், மூலவருக்கு அஷ்டபந்தன மகா குடமுழுக்கு விழா, மகா தீபாராதனை நிகழ்வுகள் நடைபெற உள்ளன.

கோயிலுக்கு வரும் பக்தா்களுக்கு சிறப்பு அன்னதானம் வழங்கப்பட உள்ளது. இந்த ஊா்வலத்தில் ஊா் தலைவா் அதிபதி, கோம்பு கவுண்டா்கள் துரை, பொன்னுசாமி, கந்தசாமி, பூசாரி பவுனேசன், நிா்வாகிகள் உள்ளிட்ட 200-க்கும் மேற்பட்டோா் கலந்துகொண்டனா்.