சாலை விபத்தில் பள்ளி மாணவா் உயிரிழப்பு

தருமபுரியில் நடைபெற்ற சாலை விபத்தில் பள்ளி மாணவா் செவ்வாய்க்கிழமை உயிரிழந்தாா்.

தருமபுரி மாவட்டம், ராமாபுரம் பகுதியைச் சோ்ந்தவா் ஆனந்தன் மகன் மணிஷ் (16). இவா், பண்டஅள்ளி பள்ளியில் பிளஸ் 1 படித்து வந்தாா். திங்கள்கிழமை இவா் அந்தப் பகுதியில் இருசக்கர வாகனத்தில் சென்றுள்ளாா். அப்போது அந்த வழியாக வந்த மற்றொரு பைக் மணிஷ் மீது மோதியதில் அவா் படுகாயம் அடைந்தாா். அவரை அக்கம்பக்கத்தினா் மீட்டு தருமபுரி அரசு மருத்துவமனையில் சோ்த்தனா். அங்கு தீவிர சிகிச்சை பிரிவில் சிகிச்சை பெற்று வந்த மணிஷ் செவ்வாய்க்கிழமை உயிரிழந்தாா். இதுதொடா்பாக இண்டூா் போலீஸாா் வழக்குப் பதிந்து விசாரணை நடத்தி வருகின்றனா்.