காவேரிப்பட்டணம் அருகே அடுத்தடுத்து 4 வீடுகளில் திருட்டு

காவேரிப்பட்டணம் அருகே அடுத்தடுத்து 4 வீடுகளிலிருந்து 23 பவுன் நகைகளைத் திருடிச் சென்ற மர்ம நபர்களை போலீஸார் தேடிவருகின்றனர்.
காவேரிப்பட்டணம் அருகே உள்ள நாயக்கன்கொட்டாய் அய்யம் பெருமாள்கொட்டாய் கிராமத்தில் குசேலன் என்பவரது வீட்டின் பூட்டை உடைத்து 17 பவுன் நகை, சிவராஜ் என்பவரின் வீட்டிலிருந்து ஐந்தேமுக்கால் பவுன் தங்க நகை,  ரூ.6 ஆயிரம்,  பெருமா என்பவரின் வீட்டிலிருந்து ரூ.10 ஆயிரம், சுப்பிரமணி  என்பவரின் வீட்டிலிருந்து ரூ.6,500 மற்றும் வெள்ளி நகைகள் என மொத்தம் 4 வீடுகளில் இருந்து 23 பவுன் தங்க நகைகளை சனிக்கிழமை மர்ம நபர்கள் திருடிச் சென்றுள்ளனர். இதுகுறித்து காவேரிப்பட்டணம் போலீஸார் வழக்குப் பதிந்து விசாரணை நடத்தி வருகின்றனர்.