போச்சம்பள்ளி அரசுப் பள்ளியில் உலக அறிவியல் தினம்

போச்சம்பள்ளி அரசுப் பள்ளியில் உலக அறிவியல் தினம் திங்கள்கிழமை கொண்டாடப்பட்டது.போச்சம்பள்ளி அரசு மகளிர் மேல்நிலைப் பள்ளியில் மாணவிகளிடையே அறிவியல் ஆர்வத்தை வளர்க்க விநாடி- வினா போட்டி நடைபெற்றது. நிகழ்ச்சிக்கு தலைமை ஆசிரியர்(பொறுப்பு) ஆனந்தி மாலா தலைமை வகித்தார். ஆசிரியர் நவீன்குமார் முன்னிலை வகித்தார். ஆசிரியர் வன்னியரசு வரவேற்றார். இந்தப் போட்டியில் 6-ஆம் வகுப்பு முதல் 10 -ஆம் வரை மாணவிகள் 700- க்கும் மேற்பட்டோர் கலந்துகொண்டனர். இதில் 4 குழுக்களாக போட்டிகள் நடைபெற்றன. போட்டியின் முடிவில் ஆசிரியர் நவீன்குமார் பேசினார். மாணவிகளுக்கான சிறப்பு செய்முறை காட்சி, அறிவியல் விந்தைகள் குறித்த காணொலி மற்றும் விநாடி வினா போட்டிகள் நடத்தப்பட்டன. போட்டியில் வெற்றி பெற்ற மாணவிகளுக்கு பரிசுகள் வழங்கப்பட்டன.