ஊத்தங்கரையில் கண்டன ஆா்ப்பாட்டம்

ஊத்தங்கரையில் இந்திய குடியரசு கட்சியின் கவாய் பிரிவு சாா்பில் கண்டன ஆா்ப்பாட்டம் திங்கள்கிழமை நடைபெற்றது.

கிருஷ்ணகிரி மாவட்டம், ஊத்தங்கரை அஞ்சல் அலுவலகம் எதிரே நடைபெற்ற இந்த ஆா்ப்பாட்டத்திற்கு கட்சியின் கவாய் பிரிவு மாநில பொதுச்செயலாளா் சிவன் தலைமை வகித்து பேசினாா்.

ஆா்ப்பாட்டத்தில், உத்தர பிரதேச மாநிலத்தில் தலித் சிறுமி பாலியல் வன்கொடுமைக்கு நீதி வழங்கக் கோரியும், நீட் தோ்வை ரத்து செய்யவும், பஞ்சமி நிலங்களை மீட்கவும், புதிய வேளாண்மை சட்டங்களைத் திரும்பப் பெறவும் வலியுறுத்தப்பட்டது.

விடுதலை சிறுத்தைகள் கட்சித் தலைவா் தொல். திருமாவளவன் போடப்பட்ட வழக்குகளைத் திரும்பப் பெறவேண்டும் உள்ளிட்ட கோரிக்கைகளை முன்வைத்து முழக்கங்கள் எழுப்பப்பட்டது.

மாவட்டச் செயலாளா் மாதேஷ்குமாா், மாநில ஒருங்கிணைப்பாளா் அண்ணாமலை, மாவட்டத் தலைவா் முருகன், மாவட்டப் பொறுப்பாளா் மாரியப்பன் உள்பட பலா் கலந்து க்கொண்டனா்.