பள்ளிக்குள் எரிவாயு குழாய் பதிக்க தளி எம்எல்ஏ எதிா்ப்பு

கிருஷ்ணகிரி மாவட்டம், தேன்கனிக்கோட்டை வட்டம், கெலமங்கலம் அருகே உள்ள போடிச்சிப்பள்ளி மாதிரி பள்ளியில் சுற்றுச்சுவரை பாதிக்கும் வகையில் எரிவாயு குழாய் பதிக்கும் பணி நடைபெற்றுக் கொண்டிருந்தது.

மாதிரி பள்ளியில் படிக்கும் மாணவா்களும், பெற்றோா், பொதுமக்கள் இதற்கு எதிா்ப்பு தெரிவித்ததுடன், பள்ளி சுற்றுச்சுவரை உடைத்து எரிவாயு குழாயை பதிக்கக்கூடாது என்று சம்மந்தப்பட்ட அதிகாரிகளிடம் கூறினா்.

பள்ளி நிா்வாகத் தரப்பிலும் எரிவாயு குழாய் பதிக்கும் பணியை நிறுத்தி வைக்குமாறு கேட்டபோதும், அதை மறுத்து அதிகாரிகள் தொடா்ந்து பணியில் ஈடுபட்டனா்.

இதுகுறித்து தளி எம்எல்ஏ ஒய். பிரகாஷுக்கும் தகவல் தெரிவிக்கப்பட்டது.

நிகழ்விடத்துக்கு வந்த எம்எல்ஏ ஒய்.பிரகாஷ் நேரில் ஆய்வு செய்தாா். அப்பொழுது அங்கிருந்த அதிகாரிகளிடம், பள்ளிக்கூட சுற்றுச்சுவா் உடைக்காமலும், பொதுமக்களுக்கு எந்த பாதிப்பும் இல்லாமல் அமைக்க வேண்டும். இல்லாவிடில், பொதுமக்களைத் திரட்டி ஆா்ப்பாட்டம் நடைபெறும் என்று அதிகாரிகளுக்கு எம்எல்ஏ பிரகாஷ் எச்சரிக்கை விடுத்தாா். இதனைத் தொடா்ந்து பணி தற்காலிகமாக நிறுத்தி வைக்கப்பட்டது.