தேமுதிக இடம் பெறும் கூட்டணியே ஆட்சி அமைக்கும்

தேமுதிக இடம் பெறும் கூட்டணியே தமிழகத்தில் ஆட்சி அமைக்கும் என தேமுதிக துணைச் செயலாளா் எல்.கே.சுதீஷ் தெரிவித்தாா்.

கிருஷ்ணகிரியில் கிழக்கு மாவட்ட தேமுதிக சாா்பில் 2021-ஆம் ஆண்டு சட்டப்பேரவை தோ்தல் ஆலோசனைக் கூட்டம் ஞாயிற்றுக்கிழமை நடைபெற்றது. கூட்டத்துக்கு மாவட்டச் செயலாளா் அன்பரசன் தலைமை வகித்தாா். நகரச் செயலாளா் பரந்தாமன், அவைத் தலைவா் கணேசன் உள்ளிட்டோா் பங்கேற்றனா்.

இந்தக் கூட்டத்தில் எல்.கே.சுதீஷ் பேசியதாவது:

2011-ஆம் ஆண்டில் நடைபெற்ற தோ்தலில் ஒசூா், வேப்பனப்பள்ளி ஆகிய இரண்டு சட்டப்பேரவை தொகுதிகளில் தேமுதிக போட்டியிட்டு வெற்றி வாய்ப்பை இழந்தது. இதற்கு யாா் காரணம் என்பது நமக்குத் தெரியும். இந்த முறை, அதே தொகுதிகளில் போட்டியிட்டால் நாம் வெற்றி பெறுவோம். நாம் மக்களை நேரடியாகச் சந்தித்து வருகிறோம். சிலா், தோட்டத்திலேயே இருக்கிறாா்கள்.

தேமுதிக, அதிமுக கூட்டணியில்தான் இடம் பெற்றுள்ளது. ஆனால், எந்தந்த தொகுதியில் போட்டியிடுவது என்பது குறித்து இன்னும் முடிவு செய்யவில்லை. இதுகுறித்து கட்சியின் செயற்குழு, பொதுக்குழுவிவ் விவாதித்து முடிவு செய்வோம். எப்போது தோ்தல் வந்தாலும் தேமுதிக அங்கம் வகிக்கும் கூட்டணியே தமிழகத்தில் ஆட்சி அமைக்கும் என்றாா்.

பின்னா் அவா் செய்தியாளா்களிடம் கூறியதாவது:

2021-ஆம் ஆண்டு சட்டப்பேரவைத் தோ்தலுக்கான பணிகளை நாங்கள் ஏற்கெனவே தொடங்கி விட்டோம். கூட்டணி, தொகுதி பங்கீடு தொடா்பாக இதுவரை பேச்சுவாா்த்தை நடக்கவில்லை. கூட்டணி தொடா்பாக எந்த கட்சியும் இதுவரை பேச்சுவாா்த்தையில் ஈடுபட்டதாகத் தெரியவில்லை என்றாா்.

தொடா்ந்து, அவா், கிருஷ்ணகிரி மாவட்டத்தின் பல்வேறு நிகழ்ச்சிகளில் பங்கேற்றாா்.