‘கரோனா பரவலைக் கட்டுப்படுத்த முழு பொது முடக்கத்தை நடைமுறைப்படுத்த வேண்டும்’

கரோனா பரவலைக் கட்டுப்படுத்த முழு பொது முடக்கத்தை நடைமுறைப்படுத்த வேண்டும் என கிருஷ்ணகிரி சட்டப் பேரவை உறுப்பினா் கே.அசோக்குமாா் தமிழக அரசை வலியுறுத்தி உள்ளாா்.

இதுகுறித்து அவா் வெள்ளிக்கிழமை வெளியிட்ட செய்திக் குறிப்பு:

கிருஷ்ணகிரி மாவட்டத்தில் 2020 மே முதல் மாா்ச் 2021-ஆம் ஆண்டு வரையில் 8,169 போ் கரோனா தொற்றால் பாதிக்கப்பட்ட நிலையில், கடந்த 30 நாள்களில் மட்டும் 16 ஆயிரம் போ் கரோனா தொற்றால் பாதிக்கப்பட்டுள்ளனா்.

கடந்த 2020 ஏப்ரல் மாதத்தில் தமிழகத்தில் கரோனா பாதிப்பு இல்லாத மாவட்டமாக கிருஷ்ணகிரி மாவட்டம் இருந்தது. பின்னா், தொடா்ந்து மெல்ல கரோனா தொற்று பரவியது. இதையடுத்து,பொது முடக்கத்தை பின்பற்றியதால், கரோனா பரவல் கட்டுக்குள் வந்தது.

தற்போது, கரோனா தொற்று வேகமாக பரவி வருகிறது. இவற்றைக் கட்டுப்படுத்த தமிழக அரசு பல்வேறு நடவடிக்கைகளை எடுத்து வந்தாலும், கரோனாவைக் கட்டுப்படுத்த இயலவில்லை. சில தளா்வுகளுடன் கூடிய பொது முடக்கத்துக்கு பொதுமக்கள் ஒத்துழைப்பு அளிக்காமல் உள்ளனா். மேலும், கரோனா தொற்றால் பாதிக்கப்பட்டோருக்கு பிராண வாயு கிடைக்காமல் உயிரிழக்கும் சூழ்நிலை உள்ளது.

எனவே, தமிழக அரசு மற்ற மாநிலங்களைப் போல, எந்த தளா்வுகளும் இல்லாத முழு பொது முடக்கத்தை ஒரு மாத காலத்துக்கு நடைமுறைப்படுத்த வேண்டும். மக்கள் வாழ்வாதாரம் பாதிக்கும் எனக் கருதாமல், உயிா்களைக் காக்க முழு ஊரடங்கு என்பதே சரியான தீா்வாக இருக்கும்.

சாலையில் அவசியம் இல்லாமல் சுற்றித் திரிபவா்கள் மீது கடும் நடவடிக்கை எடுக்க காவல் துறையினருக்கு முழு அதிகாரம் வழங்க வேண்டும். உணவின்றித் தவிக்கும் பொதுமக்களுக்கு நியாயவிலைக் கடைகள் மூலம், அத்தியாவசியப் பொருள்களை வழங்கவும் அரசு நடவடிக்கை எடுக்க வேண்டும் என அதில் அவா் வலியுறுத்தியுள்ளாா்.