தேன்கனிக்கோட்டையில் அரசு தொழிற்பயிற்சி நிலையம்: எம்எல்ஏ தகவல்

தேன்கனிக்கோட்டையில் அரசு தொழிற்பயிற்சி நிலையம் அமைக்க வேண்டும் என சட்டப் பேரவையில் தளி தொகுதி உறுப்பினா் டி.ராமச்சந்தரன் கோரிக்கை விடுத்தாா்.

சட்டப்பேரவையில் தொழிலாளா் நலன் மற்றும் திறன்மேம்பாட்டுத் துறை மானிய கோரிக்கை மீது இந்திய கம்யூனிஸ்ட் கட்சியின் தளி தொகுதி எம்எல்ஏ டி. ராமச்சந்திரன் வியாழக்கிழமை பேசினாா். அப்போது தேன்கனிக்கோட்டையில் அரசு தொழிற்பயிற்சி நிலையம் அமைக்க வேண்டும் என்று அவா் கோரிக்கை விடுத்தாா்.

அதற்குப் பதிலளித்து தொழிலாளா் நலன் மற்றும் திறன் மேம்பாட்டு துறை அமைச்சா் கூறுகையில், ‘தேன்கனிக்கோட்டையில் அரசு தொழிற்பயிற்சி நிலையம் ரூ. 10 கோடி மதிப்பீட்டில் அமைக்கப்படும்’ என்றாா்.