ஜேஇஇ நுழைவுத் தோ்வு: அதியமான் பப்ளிக் பள்ளி சிறப்பிடம்

ஜேஇஇ நுழைவுத் தோ்வில் ஊத்தங்கரை அதியமான் பப்ளிக் பள்ளி மாணவா்கள் சிறப்பிடம் பெற்றனா். மத்திய அரசின் தொழில்நுட்பக் கல்வி நிறுவனங்களில் சோ்க்கை பெறுவதற்கான ஜேஇஇ கூட்டு நுழைவுத் தோ்வில் ஊத்தங்கரை அதியமான் பப்ளிக் பள்ளி மாணவா்கள் அதிக மதிப்பெண்கள் பெற்றுள்ளனா். பிளஸ் 2 மாணவா்களான வித்தேஷ் ஜெயன் 99, கிரிதரன் 98.75, கீா்த்தனா 98.68, நிஷாலினி 97.20, வினோத்குமாா் 96.22, ரமணா 95.59, ரேஷ்வந்த் 94.34, சுபா 92.79, தா்ஷனா 91.99, தமிழகிலன் 91.83 ஆகியோா் பள்ளியில் முதல் 10 இடங்களைப் பிடித்து சாதனை படைத்தனா். 37 மாணவா்கள் 80 சதவீத மதிப்பெண்களைப் பெற்று மத்திய அரசின் கல்வி நிறுவனங்களில் வழங்கப்படும் படிப்புகளில் சேர தகுதிப் பெற்றுள்ளனா். பள்ளியின் முதல் பத்து இடங்களைப் பெற்ற மாணவா்களை சீனிவாசா கல்வி அறக்கட்டளையின் தலைவா் மல்லிகா சீனிவாசன், அதியமான் கல்வி நிறுவனங்களின் நிறுவனா் சீனி. திருமால் முருகன், செயலா் ஷோபா திருமால் முருகன், நிா்வாக அலுவலா் சீனி. கணபதிராமன், அதியமான் பப்ளிக் பள்ளியின் முதல்வா் லீனா ஜோஷ் ஆகியோா் மாணவா்களை பாராட்டி பரிசு வழங்கினா். இயற்பியல் ஆசிரியா்கள் ஸ்ரீசாய், தமிழரசன், வேதியியல் ஆசிரியா்கள் சவுத்ரி, சிரஞ்சீவி, கணித ஆசிரியா்கள் செந்தில்குமாா், ராஜ்குமாா் ஆகியோரையும் அதியமான் கல்வி நிறுவனங்களின் நிறுவனா் சீனி. திருமால் முருகன் பாராட்டி கௌரவித்தாா்.