ஊத்தங்கரை அரசு பள்ளியில் அமைச்சா் ஆய்வு

கிருஷ்ணகிரி மாவட்டம், ஊத்தங்கரை அரசு தொடக்கப் பள்ளியில் பள்ளிக் கல்வித் துறை அமைச்சா் அன்பில் மகேஸ் பொய்யாமொழி புதன்கிழமை ஆய்வு மேற்கொண்டாா்.

ஆங்கிலத்தில் கட்டுரை வாசித்தல், ஆங்கிலத்தில் எழுதுதல் என மாணவா்களின் திறனை ஆய்வு செய்து அறிவுரை வழங்கினாா். தொடா்ந்து வட்டாரக் கல்வி அலுவலகத்தில் உள்ள கோப்புகள், புகாா் பெட்டிகளை ஆய்வு செய்தாா்.

ஆய்வின் போது, தமிழ்நாடு தொடக்கப் பள்ளி ஆசிரியா் மன்ற மாவட்டச் செயலாளா் கிருஷ்ணமூா்த்தி, பள்ளி மேலாண்மை குழு உறுப்பினா் ஜெயராமன், பள்ளி தலைமை ஆசிரியா் முருகன், ஆசிரியா்கள் சக்தி, உமா, சரண்யா, திமுக தெற்கு ஒன்றியச் செயலாளா் ரஜினி செல்வம், நகரச் செயலாளா் பாா்த்திபன், நகர அவைத் தலைவா் தணிகை குமரன், குப்புராஜ் உள்பட பலா் கலந்து கொண்டனா்.