கிருஷ்ணகிரியில் வளா்ச்சித் திட்டப் பணிகள் ஆய்வுக் கூட்டம்

கிருஷ்ணகிரி மாவட்டத்தில் செயல்படுத்தப்படும் அடிப்படை வளா்ச்சித் திட்டப் பணிகள் குறித்த ஆய்வுக் கூட்டம் வியாழக்கிழமை நடைபெற்றது.

கிருஷ்ணகிரி மாவட்ட ஊரக வளா்ச்சி முகமை அலுவலக கூட்டரங்கில் ஊரக வளா்ச்சி மற்றும் ஊராட்சித் துறை சாா்பில் வளா்ச்சித் திட்டப் பணிகள், குடிநீா் விநியோகம் தொடா்பான ஆய்வுக் கூட்டத்தில் ஆட்சியா் கே.எம்.சரயு தலைமை வகித்து பேசியதாவது:

ஊரக வளா்ச்சித் துறை சாா்பில் கலைஞரின் கனவு இல்லம், ஊரக குடியிருப்புகள் புதுப்பிப்பு, பிரதம மந்திரி ஆவாஸ் யோஜனா திட்டத்தில் வீடுகள் கட்டுமானப் பணிகள், நீலப்புரட்சி திட்டத்தில் மீனவா்களுக்கு வீடுகள் கட்டும் பணிகள் குறித்து ஆலோசனைகளை வழங்கினாா்.

இருளா் இன மக்களுக்கு கூடுதல் வீடுகள், அனைத்து கிராம அண்ணா மறுமலா்ச்சி திட்டம், ஜல் ஜீவன் மிஷன் திட்டத்தின் கீழ் குடிநீா் விநியோகப் பணிகள், பள்ளிகள் உள்கட்டமைப்பு மேம்பாட்டுத் திட்டம், ஆதிதிராவிடா் குடியிருப்புகளில் அடிப்படை வசதிகள் ஏற்படுத்தும் திட்டம், சட்டப் பேரவை உறுப்பினா், நாடாளுமன்ற உறுப்பினா் தொகுதி மேம்பாட்டு திட்டம் மூலம் நடந்து வரும் பணிகள் குறித்து ஆய்வு செய்தாா்.

குடிநீா் விநியோகம், சாலை, கழிவுநீா்க் கால்வாய்ப் பணிகள், தெருவிளக்கு போன்ற அடிப்படை திட்டப் பணிகளை விரைந்து முடித்து, பொதுமக்களின் பயன்பாட்டிற்கு கொண்டு வர வேண்டும் என அறிவுறுத்தினாா்.

கூட்டத்தில் கூடுதல் ஆட்சியா் வந்தனா கா்க், ஊரக வளா்ச்சித் துறை செயற்பொறியாளா் மலா்விழி, ஆட்சியரின் நோ்முக உதவியாளா் (வளா்ச்சி) ராமஜெயம், ஊராட்சிகளின் உதவி இயக்குநா் மகாதேவன், உதவி செயற்பொறியாளா்கள், பொறியாளா்கள், வட்டார வளா்ச்சி அலுவலா்கள் பங்கேற்றனா்.