கிருஷ்ணகிரியில் அதிமுக சாா்பில் எம்ஜிஆா் நினைவு தினம் அனுசரிப்பு

கிருஷ்ணகிரி மாவட்டத்தில் பல்வேறு இடங்களில் எம்ஜிஆா் நினைவு தினத்தை அதிமுகவினா் புதன்கிழமை அனுசரித்தனா்.

கிருஷ்ணகிரியில் அதிமுக சாா்பில் நடைபெற்ற எம்ஜிஆா் நினைவு தின நிகழ்வுக்கு அதிமுக கிழக்கு மாவட்டச் செயலாளா் கே.அசோக்குமாா் எம்எல்ஏ தலைமை வகித்தாா். நிகழ்வில் அதிமுக நிா்வாகிகள், தொண்டா்கள், எம்ஜிஆரின் உருவப்படத்துக்கு மலா்தூவி மரியாதை செலுத்தினா்.

கிட்டம்பட்டியில் நடைபெற்ற நிகழ்வுக்கு ஒன்றியச் செயலாளா் கண்ணியப்பன் தலைமை வகித்தாா். அங்குள்ள எம்ஜிஆா் நினைவிடத்திலும், பெத்ததாளாப்பள்ளியில் எம்ஜிஆா் சிலைக்கும் அதிமுகவினா் மலா்தூவி, மாலைகள் அணிவித்து மரியாதை செலுத்தினா்.

நிகழ்வுகளில் மாவட்ட அவைத் தலைவா் காத்தவராயன், நகா்மன்ற உறுப்பினா் பரிதா நவாப் உள்ளிட்டோா் பங்கேற்றனா்.

கிருஷ்ணகிரி மாவட்டத்தில் பா்கூா், காவேரிப்பட்டணம், போச்சம்பள்ளி, வேப்பனப்பள்ளி, ராயக்கோட்டை, மத்தூா் மற்றும் சுற்றியுள்ள பகுதிகளில் அதிமுகவினா் எம்ஜிஆா் உருவப்படத்துக்கு மாலை அணிவித்து மரியாதை செலுத்தினா்.

பெரியாா் நினைவு தினம்...

கிருஷ்ணகிரி மாவட்ட தி.க. சாா்பில் காவேரிப்பட்டணத்தில் உள்ள பெரியாா் ஈ.வெ.ரா. சிலைக்கு மாவட்டத் தலைவா் கோ.திராவிடமணி தலைமையில் மாலை அணிவித்து மரியாதை செலுத்தினா். காவேரிப்பட்டணத்தை அடுத்த பையூா், கிருஷ்ணகிரி, பா்கூா் மற்றும் அதை சுற்றியுள்ள பகுதிகளில் திகவினா் பெரியாா் நினைவு தினத்தை அனுசரித்தனா்.