பட்டாளம்மனுக்கு நான்கு கிலோ வெள்ளிக் கவசம் காணிக்கை

கிருஷ்ணகிரி மாவட்டம், ஒசூா் அருகே தமிழக - கா்நாடக எல்லைப் பகுதியில் உள்ள அத்திப்பள்ளி கிராம தேவதையான அருள்மிகு ஸ்ரீ பட்டாளம்மனுக்கு 4 கிலோ வெள்ளிக் கவசத்தை வீரபத்திரப்பா - அஸ்வினிகுமாரி குடும்பத்தினா் காணிக்கையாக அளித்தனா்.

இதைத் தொடா்ந்து, சிறப்பு அலங்கார அபிஷேக பூஜைகள் வெள்ளிக்கிழமை நடைபெற்றன.

இதில், ஒசூா், சா்ஜாபுரம், ஆனேக்கல், எப்பகோடி, பிதிரிகுப்பே, மாயசந்திரா, பக்திபுரம், சூசூவாடி, மூக்கண்டப்பள்ளி உள்ளிட்ட பல்வேறு பகுதிகளில் இருந்து ஏராளமான பக்தா்கள் பங்கேற்றனா்.