மத்திகிரியில் நாய் கடித்து 2 பெண்கள் பாதிப்பு

மத்திகிரி நேதாஜி நகரில் நாய் கடித்ததில் பாதிக்கப்பட்ட 2 பெண்கள் ஒசூா் அரசு மருத்துவமனையில் அனுமதிக்கப்பட்டனா்.

ஒசூா் மாநகராட்சிக்குள்பட்ட 44-ஆவது வாா்டு, மத்திகிரி நேதாஜி நகா் மற்றும் அதைச் சுற்றியுள்ள பகுதிகளில் 3 ஆயிரத்துக்கும் மேற்பட்டோா் வசித்து வருகின்றனா். இப்பகுதியில், அரசு தொடக்கப் பள்ளி, மேல்நிலைப் பள்ளி, 2 தனியாா் பள்ளிகள், 2 மருத்துவமனைகள் உள்ளன.

இப்பகுதியில் அதிகரித்துள்ள தெருநாய்களால் பள்ளிக்குச் செல்லும் மாணவா்களும், இரவு நேரத்தில் பணிமுடிந்து வீடுதிரும்பும் தொழிலாளா்களும் பாதிக்கப்படுகின்றனா். இப்பகுதியில் உள்ள 50-க்கும் மேற்பட்ட தெருநாய்களால் இதுவரை ஒருவா் உயிரிழப்பு உள்பட 20-க்கும் மேற்பட்டோா் பாதிக்கப்பட்டுள்ளனா்.

இந்நிலையில், கடந்த அக். 28-ஆம் தேதி நேதாஜி நகரில் கட்டடப் பணி செய்ய தங்கியுள்ள சரவணம்மா (40), பிரீத்தி (35) ஆகியோரை நாய் கடித்தது. இதையடுத்து, இருவரும் மருத்துவமனையில் அனுமதிக்கப்பட்டுள்ளனா்.

தகவல் அறிந்த மாநகராட்சி ஆணையா் முகமது ஷபீா் ஆலம், மாநகர நல அலுவலா் அஜிதா ஆகியோா் மத்திகிரி நேதாஜி நகரில் வெள்ளிக்கிழமை ஆய்வுசெய்தனா். அப்போது, தெருநாய்களால் ஏற்படும் பாதிப்புகள் குறித்து பொதுமக்களிடம் கேட்டறிந்தனா்.

அதையடுத்து, நாய்களைக் கட்டுப்படுத்த துப்புரவு ஆய்வாளா் அன்பழகனிடம் ஆணையா் அறிவுறுத்தினாா். அதன்பேரில், நேதாஜி நகரில் 15-க்கும் மேற்பட்ட நாய்கள் பிடிக்கப்பட்டன.