ராசிபுரம் பாவை கல்வி நிறுவனம் கட்டடப் பொறியாளர்கட்டமைப்பு நிறுவனத்துடன் புரிந்துணர்வு ஒப்பந்தம்

ராசிபுரம் பாவை காலேஜ் ஆஃப் டெக்னாலஜி, தமிழ்நாடு கட்டடப் பொறியாளர் கட்டமைப்பு நிறுவனத்துடன் புரிந்துணர்வு ஒப்பந்தம் செய்யும் நிகழ்ச்சி கல்லூரி வளாகத்தில் வெள்ளிக்கிழமை நடைபெற்றது.

பாவை கல்வி நிறுவனங்களின் தலைவர் ஆடிட்டர் என்.வி.நடராஜன் தலைமை வகித்தார். சிறப்பு அழைப்பாளராக சிவில் இன்ஜினியரிங் அசோசியேசன் பெடரேசன் தலைவர் ஆர்.மோகன்ராஜ் பங்கேற்று கட்டடவியல் துறையின் நவீனத்துவம் குறித்துப் பேசினார்.

கல்லூரித் தலைவர் ஆடிட்டர் என்.வி.நடராஜன், பேசியட் அமைப்பின் அதிகாரி ஆர்.சிவலிங்கம் ஆகியோர் புரிந்துணர்வு ஒப்பந்தத்தில் கையெழுத்திட்டுப் பரிமாறிக் கொண்டனர் .

அமைப்பின் நிர்வாகிகள் எம்.எஸ்.ராஜமாணிக்கம், ஆர்.சிவலிங்கம், ஆர்.முனுசாமி, ஆர்.கைலாசம், ஏ.வேலுசாமி, நாமக்கல் கட்டடப் பொறியாளர் சங்கத் தலைவர் என்.செல்வக்குமார், பாவை கல்வி நிறுவனங்களின் இயக்குநர் கே.செந்தில் மற்றும் பொறியியல் துறை மாணவ, மாணவியர் பங்கேற்றனர்.