அதிக முறை ரத்ததானம்: மருந்தாளுநருக்குப் பாராட்டு

அதிக முறை ரத்ததானம் வழங்கிய அரசு மருத்துவமனை மருந்தாளுநரைப் பாராட்டி மாவட்ட ஆட்சியர் சான்றிதழ் வழங்கினார்.

உலக ரத்த கொடையாளர் தினத்தை தொடர்ந்து, மாநில எய்ட்ஸ் கட்டுப்பாட்டு சங்கம், தேசிய தன்னார்வத் தொண்டு நிறுவனம், மாநில குருதி பரிமாற்றக்குழு சார்பில் ரத்த கொடையாளர்கள் தினம் நாமக்கல்லில் நடைபெற்றது.

அதிக முறை ரத்தம் தானம் செய்தவர்களைப் பாராட்டி பரிசளிக்கப்பட்டது.

ராசிபுரம் இ.எஸ்.ஐ. மருத்துவமனை மருந்தாளுநர் ஏ.ராஜூ, 51 முறை ரத்ததானம் செய்ததைப் பாராட்டி, மாவட்ட ஆட்சியர் வி.தட்சிணாமூர்த்தி சான்றிதழ், கேடயம் வழங்கிப் பாராட்டினார்.

மாவட்ட சுகாதாரத்துறை இணை இயக்குநர் சங்கர், துணை இயக்குனர் ஜெமினி, மாவட்ட தலைமை மருத்துவமனை கண்காணிப்பாளர் ராஜ்மோகன், ராசிபுரம் மருத்துவமனை மருத்துவ அலுவலர் மைனாவதி உள்ளிட்டோர் பங்கேற்றனர்.