முருகன் கோயில்களில் ஆடிக்கிருத்திகை

பரமத்தி வேலூர் சுற்றுவட்டாரப் பகுதிகளில் உள்ள முருகன் கோயில்களில் ஆடிக் கிருத்திகை விழாவை முன்னிட்டு சிறப்பு பூஜைகளும், சிறப்பு அலங்காரமும் நடைபெற்றன.
இதில் ஏராளமான பக்தர்கள் கலந்து கொண்டு தரிசனம் செய்தனர். ஆடி கிருத்திகையை முன்னிட்டு கபிலர்மலை பாலசுப்பிரமணிய சுவாமி, பொத்தனூர் அருகே உள்ள பச்சைமலை முருகன் கோயில்,  பாண்டமங்கலம் புதிய காசி விஸ்வநாதர் ஆலயத்தில் எழுந்தருளியுள்ள சுப்ரமணியர், பரமத்திவேலூர் சந்தைப் பகுதியில் உள்ள முருகன் கோயில், அனிச்சம்பாளையத்தில் எழுந்தருளியுள்ள வேல் வடிவம் கொண்ட சுப்ரமணியர், சக்திநகர் பாலமுருகன், நன்செய் இடையார் திருவேலிஸ்வரர் கோயிலில் எழுந்தருளியுள்ள முருகன், பிலிக்கல்பாளையம் விஜயகிரி வடபழனியாண்டவர் உள்ளிட்ட முருகன் கோயில்களில் ஆடிக் கிருத்திகையை முன்னிட்டு சிறப்பு அபிஷேக, ஆராதனைகளும், சிறப்பு அலங்காரங்களும் நடைபெற்றன.