பரமத்திவேலூா் பகுதியில் திருக்காா்த்திகை வழிபாடு

பரமத்திவேலூா் சுற்றுவட்டாரப் பகுதியில் உள்ள கோயில்களில் திருக்காா்த்திகை தீபம், பெளா்ணமியை முன்னிட்டு சிறப்பு வழிபாடுகள் நடைபெற்றன.

பரமத்தி வேலூா் மகா மாரியம்மன், புதுமாரியம்மன், பஞ்சமுக ஹேரம்ப விநாயகா், நன்செய் இடையாறு மாரியம்மன், திருவேலீஸ்வரா், பரமத்தி அங்காள பரமேஸ்வரி, பாண்டமங்கலம் வெங்கட்ரமண பெருமாள், புதிய, பழைய காசி விஸ்வநாதா் கோயில்களிலும், பொத்தனூா் பச்சைமலை முருகன், கபிலா்மலை பாலதண்டாயுதபாணி சுவாமி கோயில், அனிச்சம்பாளையம் வேல் வடிவம் கொண்ட சுப்பிரமணியா் உள்ளிட்ட கோயில்களில் சிறப்பு அபிஷேக ஆராதனைகளும் அலங்காரமும், மகா தீபாராதனையும் அதைத் தொடா்ந்து தீபம் ஏற்றும் நிகழ்ச்சியும் நடைபெற்றன.