சிவாலயங்களில் காா்த்திகை பிரதோஷ வழிபாடு

காா்த்திகை மாத பிரதோஷத்தையொட்டி, சிவன் கோயில்களில் வியாழக்கிழமை சிறப்பு பூஜைகள் நடைபெற்றன.

ஒவ்வொரு மாதமும் பெளா்ணமி, அமாவாசையை கணக்கிட்டு இரு முறை பிரதோஷ விழா சிவன் கோயில்களில் நடைபெறும். காா்த்திகை மாத பிரதோஷ விழா வியாழக்கிழமை பிற்பகல் அனைத்து சிவாலயங்களிலும் சிறப்பு பூஜைகளுடன் நடைபெற்றது. இதில், நந்தியம்பெருமானுக்கும், சுவாமிக்கும் சிறப்பு அபிஷேகம், அலங்காரம் செய்யப்பட்டு பூஜைகள் நடைபெற்றன.

நாமக்கல்லில் வள்ளிபுரம் தான்தோன்றீஸ்வரா், நாமக்கல் ஏகாம்பரேசுவரா், ராமநாதபுரம் ராமநாதசுவாமி, முத்துக்காப்பட்டி காசிவிசுவநாதா் கோயில் உள்ளிட்ட பல்வேறு சிவாலயங்களிலும் பிரதோஷ விழாவையொட்டி விசேஷ பூஜைகள் நடைபெற்றன. தொடா்ந்து சுவாமி திருவீதி உலா வரும் நிகழ்ச்சி நடை பெற்றது. இதில் ஏராளமான பக்தா்கள் கலந்துகொண்டனா்.