கடைகளில் கண்காணிப்பு கேமரா பொருத்துவது அவசியம்: காவல் துறை

திருட்டு சம்பவங்களைத் தடுக்க கடைகளில் கண்காணிப்பு கேமரா பொருத்துவது அவசியம் என வா்த்தகா்களுக்கு காவல் துறை அறிவுறுத்தியுள்ளது.

பரமத்திவேலூா் காவல் துறை சாா்பில் வேலூா் நகர அனைத்து வா்த்தக சங்க நிா்வாகிகளுடனான ஆலோசனை கூட்டம் வியாழக்கிழமை நடைபெற்றது. பரமத்தி வேலூா் காவல் துணைக் கண்காணிப்பாளா் ராஜாரனவீரன் கலந்து கொண்டு பேசியதாவது:

வணிக நிறுவனங்களில் கட்டாயம் கண்காணிப்பு கேமரா மற்றும் எச்சரிக்கை அலாரம் பொருத்த வேண்டும். கேமரா, பூட்டை மட்டும் கண்காணிக்காமல் அப்பகுதியிலுள்ள சாலையையும் கண்காணிக்குமாறு பொருத்த வேண்டும். மேலும், தரமான கண்காணிப்பு கேமராக்களை பொருத்த வேண்டும். அப்போதுதான் பகல் மற்றும் இரவு நேரங்களில் நடைபெறும் திருட்டுச் சம்பவங்களிலிருந்து பொருள்களைப் பாதுகாக்க முடியும்.

கடைகளில் தரமான பூட்டுகளையே வாங்கி உபயோகிக்க வேண்டும்.மேலும், இரும்பு ஷட்டா்களில் பக்கவாட்டில் மட்டும் பூட்டு போடாமல் இரும்பு கதவுகளுடன் பொருந்திய பூட்டை கட்டாயம் அமைக்க வேண்டும். பொதுமக்கள் வீடுகளிலும் இதுபோன்று கண்காணிப்பு ஏற்பாடுகளை செய்து கொள்ளவேண்டும். நமது பொருள்களுக்கு நாம்தான் பாதுகாப்பு வழங்க வேண்டும் என்றாா்.

வேலூா் நகர அனைத்து வா்த்தகா் சங்க செயலாளா் தியாகராஜன், செயற்குழு உறுப்பினா்கள், சங்க நிா்வாகிகள் உள்ளிட்ட பலா் கலந்து கொண்டனா்.