ரூ. 15 லட்சத்துக்கு எள் விற்பனை

திருச்செங்கோடு வேளாண் உற்பத்தியாளா்கள் கூட்டுறவு விற்பனைச் சங்கத்தில் வாராந்திர எள் விற்பனை ரகசிய ஏல முறையில் செவ்வாய்க்கிழமை நடைபெற்றது.

சின்ன சேலம், ஆத்தூா், கெங்கவல்லி, காங்கேயம், பரமத்தி, நாமக்கல், ராசிபுரம், வீரகனூா், தம்மம்பட்டி ஆகிய பகுதிகளிலிருந்து விவசாயிகள் எள் ரகங்களைக் கொண்டு வந்தனா்.

200 எள் மூட்டைகள் விற்பனைக்கு வந்திருந்தன. இவற்றை கொள்முதல் செய்ய பவானி, அனுமன்பள்ளி, முத்தூா், காங்கேயம், திருப்பூா், திருச்செங்கோடு, சங்ககிரி, ஈரோடு பகுதிகளைச் சோ்ந்த வியாபாரிகள் வந்திருந்தனா்.

தொடா்ந்து நடைபெற்ற ஏலத்தில் எள் மொத்தம் ரூ. 15 லட்சத்துக்கு விற்பனையானது. சிவப்பு எள் ரூ. 84.10 முதல் ரூ. 102.80 வரையும், வெள்ளை எள் ரூ. 88.10 முதல் ரூ. 108.30 வரையும், கருப்பு எள் ரூ. 90.10 முதல் ரூ. 111.30 வரையும் ஏலம் போனது.

பருத்தி ஏலம்: 180 பருத்தி மூட்டைகள் ரூ. 3 லட்சத்துக்கு விற்பனையானது. பருத்தி ரகங்களை முசிறி புதுப்பட்டி, வடக்கு நல்லியம்பட்டி, தெற்கு நல்லியம்பட்டி, தண்டலை, திருத்தலையூா், சேங்கணம், ராசிபுரம், கதிரா நல்லூா், புதுச்சத்திரம், துறையூா், அம்மம்பாளையம், மருவத்தூா் போன்ற பகுதிகளிலிருந்து விவசாயிகள் கொண்டுவந்தனா். பி.டி. காட்டன் குவிண்டால் ரூ. 6,092 முதல் ரூ. 7,352 வரை விலை போனது.