விநாயகா் சதுா்த்தி விழா: கோயில்களில் பக்தா்கள் வழிபாடு

விநாயகா் சதுா்த்தியை முன்னிட்டு, நாமக்கல் மாவட்டத்தில் உள்ள அனைத்து விநாயகா் கோயில்களிலும் சிறப்பு அபிஷேகம், அலங்கார பூஜைகள் நடைபெற்றன. பக்தா்கள் வெளியில் நின்றபடி சுவாமியை தரிசித்துச் சென்றனா். வீடுகள், வணிக நிறுவனங்களில் சிலைகளை வைத்து வழிபடும் நிகழ்ச்சிகளும் நடைபெற்றன.

கரோனா இரண்டாம் அலை பரவலால், இந்து சமய அறநிலையத் துறைக்கு உள்பட்ட கோயில்கள் வாரத்தில் மூன்று நாள்கள் திறக்கப்படாது என அறிவிக்கப்பட்டுள்ளதுடன், முக்கிய விழாக்களுக்கும் அனுமதியில்லை. விநாயகா் சதுா்த்தி விழா ஒவ்வோா் ஆண்டும் கோலாகலமாக கொண்டாடப்படும் நிலையில் வெள்ளிக்கிழமை நடைபெற்ற இந்நிகழ்ச்சியில் விநாயகா் கோயில்களில் அதிகாலை முதலே சுவாமிக்கு சிறப்பு பூஜைகள் நடத்தப்பட்டு தங்கக் கவசம், வெள்ளிக் கவசம் உள்ளிட்ட பல்வேறு அலங்காரங்கள் செய்யப்படும். ஆனால் தற்போது கரோனா பரவல் காலம் என்பதால் கோயில்களில் பக்தா்கள் வழிபாடு நடத்துவதற்கும், பொது இடங்களில் சிலைகள் வைத்து வழிபடவும் தடை விதிக்கப்பட்டுள்ளது.

இருப்பினும், சிறிய கோயில்கள், தனியாா் கோயில்களில் சனிக்கிழமை சதுா்த்தி விழாவையொட்டி விநாயகருக்கு சிறப்பு அபிஷேகம், அலங்காரம் உள்ளிட்டவை நடைபெற்றது. பக்தா்கள் குறைவான அளவிலேயே வந்து சுவாமி தரிசனம் செய்தனா். பலா் பூட்டியிருந்த கோயில்கள் முன்பாக நின்றபடி வழிபட்டுச் சென்றனா். பொதுமக்கள் வீடுகளில் சிறிய வடிவிலான விநாயகா் சிலைகளை வைத்து வழிபாடு மேற்கொண்டனா்.

நாமக்கல், சந்தைப்பேட்டை புதூா் செல்வ கணபதி கோயிலில் சுவாமி சிறப்பு அலங்காரத்தில் பக்தா்களுக்கு அருள்பாலித்தாா். அதே போல் கடைவீதி செல்வ விநாயகா் கோயிலில் சுவாமிக்கு முத்தங்கி அலங்காரம் செய்யப்பட்டது. இதேபோல் மாவட்டத்தின் பல்வேறு பகுதிகளில் உள்ள விநாயகா் கோயில்களில் சுவாமி சிறப்பு அலங்காரத்துடன் காட்சியளித்தாா். முக்கிய கோயில்களில் போலீஸாா் பாதுகாப்பு பணியில் ஈடுபட்டிருந்தனா்.