நாளை மதுக்கடைகளை மூட ஆட்சியா் உத்தரவு

மீலாது நபியை முன்னிட்டு, நாமக்கல் மாவட்டத்தில் அரசு மதுபானக் கடைகளை புதன்கிழமை (ஆக. 26) மூட மாவட்ட ஆட்சியா் எல்.மதுபாலன் உத்தரவிட்டுள்ளாா்.

இதுகுறித்து அவா் வெளியிட்ட செய்திக் குறிப்பு: நாமக்கல் மாவட்டத்தில் மீலாது நபி புதன்கிழமை கொண்டாடப்படுவதையொட்டி, இந்திய தயாரிப்பு அயல்நாட்டு மதுபான சில்லறை விற்பனைக் கடைகள், மதுக் கூடங்கள், உரிம வளாகங்கள் மூடப்பட வேண்டும் என அரசால் அறிவுறுத்தப்பட்டுள்ளது.

நாமக்கல் மாவட்டத்தில் அனைத்து மதுக்கடைகள், மதுக்கூடங்கள் மற்றும் உரிம வளாகங்கள் மூடப்பட வேண்டும் என தெரிவிக்கப்படுகிறது. மதுக்கடைகளை திறந்தாலோ, மறைமுகமாக விற்பனை செய்தாலோ சம்பந்தப்பட்டவா்கள்மீது கடும் நடவடிக்கை எடுக்கப்படும் என அதில் தெரிவிக்கப்பட்டுள்ளது.