இந்திரா காந்தியைக் கண்டாலே அச்சம்! பின்னர் அவரே அம்மாவாக மாறினார்: சோனியாசீனாவின் முதல் மின்சார விமானம்: பயணிகளுடனான சோதனை ஓட்டத்தில் வெற்றி!சோனியா காந்தி புத்தக வெளியீட்டு விழா! முதல்வர் விஜய் பங்கேற்பு! மண்டல பூஜைக்காக சபரிமலை நடை திறப்பு!டிசம்பர் 3-ல் கன்னியாகுமரி மாவட்டத்துக்கு உள்ளூர் விடுமுறை!

ராட்சத கிரேன் மூலம் ரயில்வே மேம்பாலம் அமைக்கும் பணி தொடக்கம்

ரயில்வே மேம்பாலம். - கோப்புப் படம்

Updated On :

நாமக்கல் புறவழிச் சாலையில் ரயில்வே மேம்பாலம் கட்டுமானப் பணி ராட்சத கிரேன் மூலம் திங்கள்கிழமை தொடங்கப்பட்டது.

நாமக்கல் புதிய பேருந்து நிலையத்தில் இருந்து மரூா்பட்டி (நாமக்கல் சாலை பிரிவு), வேட்டாம்பாடி (சேந்தமங்கலம் சாலை பிரிவு), கூலிப்பட்டி (துறையூா் சாலை பிரிவு), சின்னவேப்பத்தம் (திருச்சி சாலை பிரிவு), லத்துவாடி (மோகனூா் சாலை பிரிவு), வள்ளிபுரம் (கரூா் சாலை பிரிவு) வரை 22 கி.மீ. தொலைவுக்கு புறவழிச் சாலை பணிகள் நடைபெற்று வருகின்றன.

திருச்சி சாலைமுதல் கரூா் சாலைவரை நான்குவழிச் சாலை அமைக்கும் பணியும், புதிய பேருந்து நிலையம் அருகில் மேம்பாலம் அமைக்கும் பணியும் நிலுவையில் உள்ளன. ரயில்வே மேம்பாலப் பணி முடிவுற்றால் புறவழிச் சாலையில் அனைத்து வாகனங்களும் சென்று வரும். இதனால், நாமக்கல் மாநகரப் பகுதிக்குள் போக்குவரத்து நெரிசல் குறையும்.

இந்நிலையில், ராட்சத கிரேன் மூலம் ரயில் தண்டவாளம் இடையே இரும்பு பீம்களை கொண்ட மேம்பாலப் பணி திங்கள்கிழமை தொடங்கப்பட்டுள்ளது. தண்டவாளத்தின் மேல் அதிக எடைகொண்ட இரும்பு பாலம் அமைக்க வேண்டி உள்ளதால், அப்பணியில் ரயில்வே துறையுடன் இணைந்து நெடுஞ்சாலைத் துறையினா் ஈடுபட்டு வருகின்றனா்.

இந்தப் பணியால் புதிய பேருந்து நிலையத்தில் இருந்து மரூா்பட்டி செல்லும் பகுதியில் நவ. 22-ஆம் தேதிவரை தற்காலிகமாக சாலை மூடப்பட்டு போக்குவரத்து தடை செய்யப்பட்டுள்ளது.

இதனால், இலகுரக வாகனங்கள் அனைத்தும் செம்பாறைபுதூா் சாலை வழியாக செல்லிபாளையம் செல்லவும், கனரக வாகனங்கள் புதன்சந்தை, சேந்தமங்கலம், வேட்டாம்பாடி வழியாக மாற்றுப் பாதையில் செல்வதற்கான நடவடிக்கை மேற்கொள்ளப்பட்டுள்ளது.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.