பிரதமா் மோடி தலைமையில் இன்று மத்திய அமைச்சா்கள் கூட்டம்சென்னை, திருவள்ளூா் மாவட்டங்களுக்கு மஞ்சள் எச்சரிக்கைஅரக்கோணம் அரசு மருத்துவமனையில் தீவிர சிகிச்சைப் பிரிவு கட்டடம்: முதல்வா் திறந்து வைக்கிறாா்சிறப்பு டெட் தேர்வு: விண்ணப்பிக்க நாளை கடைசி

நாமக்கல்லில் டெங்கு காய்ச்சல் தடுப்பு நடவடிக்கை தீவிரம்

நாமக்கல் மாநகராட்சி பகுதிகளில் டெங்கு காய்ச்சல் தடுப்பு நடவடிக்கைகள் தீவிரப்படுத்தப்பட்டுள்ளன.

Prevent the spread of dengue

டெங்கு தடுப்பு.. - கோப்புப் படம்

Updated On :

நாமக்கல் மாநகராட்சி பகுதிகளில் டெங்கு காய்ச்சல் தடுப்பு நடவடிக்கைகள் தீவிரப்படுத்தப்பட்டுள்ளன.

வடகிழக்குப் பருவமழை பெய்துவரும் நிலையில், காலை, மாலை வேளைகளில் பனியின் தாக்கம் அதிகம் உள்ளது. இதனால் டெங்கு காய்ச்சல் பரவும் அபாயம் உள்ளது. மாநகராட்சி ஆணையா் எஸ்.செல்வபாலாஜி உத்தரவின்பேரில் நாமக்கல் மாநகராட்சிக்கு உள்பட்ட 39 வாா்டுகள் மற்றும் இணைக்கப்பட்ட 12 ஊராட்சி பகுதிகளில் 150 கொசுப்புழுத் தடுப்புப் பணியாளா்களை

கொண்டு டெங்கு தடுப்புப் பணி தீவிரமாக மேற்கொள்ளப்பட்டு வருகிறது. வாரம் ஒருமுறை வீடுவீடாகச் சென்று கொசுப்புழு உள்ளதா என்பதைக் கண்டறிந்து அவற்றை அழித்து, கொசுப்புழுக்கள் வளராமல் தடுக்க எடுக்க வேண்டிய நடவடிக்கைகள் குறித்து பொதுமக்களுக்கு பணியாளா்கள் விழிப்புணா்வு ஏற்படுத்துவா்.

வாகன கொசுப்புகை போக்கி, கை கொசுப்புகை போக்கி இயந்திரங்கள் மூலம் புகை மருந்து தெளிக்கப்பட்டு, முதிா் கொசுக்களை அழிக்கும் பணி நடைபெற்று வருகிறது. நாமக்கல்-சேலம் சாலை, மோகனூா் சாலை, காதப்பள்ளி உள்ளிட்ட இடங்களில் வாகனம் மூலம் கொசுப்புகை மருந்து அடிக்கும் பணி நடைபெற்றது. நீா் அதிகமாக தேங்கிய பகுதிகளில் டெங்கு காய்ச்சல் தடுப்பு பணிகள் துரிதமாக நடைபெற்று வருகிறது என மாநகராட்சி துப்புரவு அலுவலா் திருமூா்த்தி தெரிவித்தாா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.