செய்தி மடல்
இ-பேப்பர்
குட்கா ஊழலில் நேர்மையான விசாரணை நடத்த வலியுறுத்தி சேலத்தில் வரும் செப்டம்பர் 18 ஆம் தேதி நடைபெறும் ஆர்ப்பாட்டத்தில் திமுக தலைவர் மு.க.ஸ்டாலின் கலந்து கொள்கிறார்.
இதுதொடர்பாக சேலம் மத்திய மாவட்ட திமுக செயலாளரும், வடக்குத் தொகுதி எம்.எல்.ஏ.வுமான வழக்குரைஞர் ஆர்.ராஜேந்திரன் வெளியிட்ட அறிக்கை:
தமிழக அரசில் நிலவும் ஊழல்களை கண்டித்தும், குட்கா ஊழலில் நேர்மையான விசாரணை மேற்கொண்டு துரித நடவடிக்கையில் சி.பி.ஐ. ஈடுபட வலியுறுத்தி சேலம் ஆட்சியர் அலுவலகம் முன் வரும் செப்டம்பர் 18 ஆம் தேதி காலை 9.30 மணிக்கு ஆர்ப்பாட்டம் நடைபெறுகிறது.
சேலம் கிழக்கு, மத்திய மாவட்டம், மேற்கு மாவட்டம் சார்பில் நடைபெறும் ஆர்ப்பாட்டத்தில் திமுக தலைவர் மு.க.ஸ்டாலின் கலந்து கொள்கிறார்.இதற்காக சென்னையில் இருந்து கார் மூலம் புறப்பட்டு செப்டம்பர் 17 ஆம் தேதி இரவு 7 மணிக்கு மாவட்ட எல்லையான தலைவாசலுக்கு வருகிறார். அங்கு அவருக்கு சேலம் கிழக்கு, சேலம் மத்திய, சேலம் மேற்கு மாவட்டங்கள் சார்பில் சிறப்பான வரவேற்பு அளிக்கப்படுகிறது. அதைத் தொடர்ந்து மு.க.ஸ்டாலின் இரவு சேலத்தில் தங்குகிறார். மறுநாள் (செப்.18) காலை நடைபெறும் ஆர்ப்பாட்டத்தில் பங்கேற்கிறார் என தெரிவித்துள்ளார்.
திமுக தலைவராக மு.க.ஸ்டாலின் பொறுப்பேற்ற பிறகு முதல் முறையாக சேலம் வருவதால் அவருக்கு சிறப்பான வரவேற்பு அளிப்பது தொடர்பான மத்திய மாவட்ட பொது உறுப்பினர்கள் கூட்டம் வரும் செப்டம்பர் 14 ஆம் தேதி புதிய பேருந்து நிலையம் அருகில் உள்ள கட்சி அலுவலகத்தில் நடைபெறுகிறது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
