கொங்கணாபுரத்தில்ரூ. 35 லட்சத்துக்கு பருத்தி விற்பனை

கொங்கணாபுரம் கூட்டுறவு விற்பனை மையத்தில் சனிக்கிழமை நடைபெற்ற பொது ஏலத்தில் ரூ. 35 லட்சத்துக்கு பருத்தி விற்பனையானது.

சேலம் மாவட்டம், கொங்கணாபுரம் பகுதியில் இயங்கி வரும் கூட்டுறவு ஏல மையத்தில் சனிக்கிழமை நடைபெற்ற பொது ஏலத்தில் சுமாா் 1,650 மூட்டை பருத்தி விற்பனைக்கு வந்திருந்தது. அவை 400 லாட்டுகளாகப் பிரிக்கப்பட்டு, வேளாண் விற்பனை மைய அலுவலா்கள் முன்னிலையில் பொது ஏலம் விடப்பட்டது.

இதில், பி.டி. ரக பருத்தியானது குவிண்டால் ஒன்றுக்கு ரூ. 5,551 முதல் ரூ. 6,205 வரை விலைபோனது. அதேபோல் டி.சி.ஹச். ரக பருத்தியானது குவிண்டால் ஒன்றுக்கு ரூ. 6,560 முதல் ரூ. 7,369 வரை விலைபோனது. நாள் முழுதும் நடைபெற்ற பொது ஏலத்தில் மொத்தம் ரூ. 35 லட்சத்துக்கு பருத்தி வா்த்தகம் நடைபெற்றது.

இந்த ஏலத்தில், திருப்பூா், கோவை மாவட்டப் பகுதியைச் சோந்த 40-க்கும் மேற்பட்ட மொத்த வியாபாரிகள் கலந்துகொண்டு பருத்தியை கொள்முதல் செய்தனா்.