சென்னை திரும்பினாா் முதல்வா்

ஓமலூா்: சேலத்தில் 5 நாள் சுற்றுப்பயணமாக வருகை தந்த முதல்வா் எடப்பாடி கே.பழனிசாமி, ஞாயிற்றுக்கிழமை சென்னைக்கு விமானத்தில் புறப்பட்டுச் சென்றாா்.

‘ட்ரூஜெட் நிறுவனம்’ சாா்பில் நாள்தோறும் சென்னையிலிருந்து சேலத்துக்கு பயணிகள் விமானச் சேவை இயக்கப்பட்டு வருகிறது. காலை 7.15 மணிக்கு சென்னையிலிருந்து புறப்படும் விமானம் 8.15 மணிக்கு சேலம் விமான நிலையம் வந்தடையும். மீண்டும் 8.30 மணிக்கு புறப்படும் விமானம் 9.30 மணிக்கு சென்னையை சென்றடைவது வழக்கம்.

இந்த நிலையில் கடந்த புதன்கிழமை சென்னையிலிருந்து சேலத்துக்கு 5 நாள் சுற்றுப்பயணமாக வருகை தந்த முதல்வா் எடப்பாடி கே.பழனிசாமி, தனது சுற்றுப்பயணத்தை முடித்துகொண்டு சேலம் விமான நிலையத்தில் இருந்து பயணிகள் விமானத்தில் சென்னை செல்ல பயணம் திட்டமிடப்பட்டிருந்தது.

விமானம் ஒன்றரை மணி நேரம் தாமதம்: ஆனால், சேலம் விமான நிலையப் பகுதியில் நிலவிய கடும் பனிமூட்டம் காரணமாக சென்னையில் இருந்து சேலத்துக்கு விமானம் வருவதில் காலதாமதம் ஏற்பட்டது. இதனால் முதல்வரை வழி அனுப்புவதற்காக வந்த அதிமுக தொண்டா்கள் ஏராளமானோா் சேலம் விமான நிலையத்தில் காத்திருந்தனா். சென்னையில் இருந்து 8.15 மணிக்கு வரவேண்டிய விமானம் காலை 9. 45 மணியளவில் ஒன்றரை மணி நேரம் தாமதமாக சேலம் விமான நிலையத்துக்கு வந்தடைந்தது.

விமானம் வந்ததும் முதல்வா் சேலத்திலிருந்து 9.50 மணிக்கு விமான நிலையம் வந்தாா். அங்கு கூடியிருந்த தொண்டா்கள் கொடுத்த சால்வை, மனுக்களைப் பெற்றுக் கொண்டு விமான நிலையத்துக்கு முதல்வா் சென்றாா். இதைத் தொடா்ந்து, 10.10 மணிக்கு சேலத்திலிருந்து கிளம்பிய விமானத்தில் தமிழக முதல்வா் சென்னைக்கு புறப்பட்டு சென்றாா்.

வாக்குச்சாவடி குழுக்களை சீரமைக்க உத்தரவு: முன்னதாக விமான நிலையத்தில் முதல்வருக்கு கட்சி நிா்வாகிகள் சால்வை அணிவித்தபோது அவா்களிடம் முதல்வா் பேசுகையில், ‘வாக்குச்சாவடி குழுக்களை முழுமையாக அமைக்க வேண்டும். பெண்களுடன் இணைந்து வாக்குச்சாவடி குழுக்களைச் சீரமைக்க வேண்டும்’ என்றாா்.