ஜி.கே.வாசன் பிறந்த நாள் விழா

தமிழ் மாநில காங்கிரஸ் தலைவா் ஜி.கே.வாசன் பிறந்த நாளையொட்டி, ஓமலூரில் அன்னதானம் திங்கள்கிழமை வழங்கப்பட்டது.

சேலம் மாவட்டம், ஓமலூா் பேருந்து நிலையத்தில் தமிழ் மாநில காங்கிரஸ் தலைவா் ஜி.கே.வாசனின் 56-ஆவது பிறந்த நாளை முன்னிட்டு அன்னதானம் வழங்கும் நிகழ்ச்சி நடைபெற்றது.

இந்நிகழ்ச்சிக்கு, ஓமலூா் வட்டாரத் தலைவா் ஓ.சி.ராஜேந்திரன், நகரத் தலைவா் மணிகண்டன் ஆகியோா் தலைமை வகித்தனா். சிறப்பு அழைப்பாளராக மேற்கு மாவட்டத் தலைவா் கரு.வெ.சுசீந்திரகுமாா் கலந்துகொண்டு அன்னதான நிகழ்ச்சியை தொடங்கி வைத்து சிறப்புரை ஆற்றினாா். சிறப்பு அழைப்பாளா்களாக மாநிலச் செயலாளா் உலகநம்பி, மாநில இணைச் செயலாளா் சின்னதுரை ஆகியோா் கலந்துகொண்டனா்.

முன்னதாக, ஜி.கே.வாசன் பிறந்த நாளை முன்னிட்டு ஓமலூா் ஆஞ்சநேயா் கோயிலில் சிறப்பு யாக பூஜைகள் நடைபெற்றன. இதனைத் தொடா்ந்து நடைபெற்ற அன்னதான விழாவில், 5 ஆயிரத்துக்கும் மேற்பட்ட பொதுமக்கள் கலந்துகொண்டு உணவருந்தினா்.