மகுடஞ்சாவடி ஒன்றியத்தில் திட்டப் பணிகள் ஆய்வு

சேலம் மாவட்டம், மகுடஞ்சாவடி ஒன்றியப் பகுதியில் டெங்கு தடுப்புப் பணி, நியாயவிலைக் கடை, அங்கன்வாடி மையம் உள்ளிட்டவைகளில் திட்டப் பணிகள் குறித்து மாவட்ட ஆட்சியா் திங்கள்கிழமை நேரில் ஆய்வு மேற்கொண்டாா்.

காக்காபாளையம் அருகே உள்ள கண்டா்குலமாணிக்கம் பகுதியில் டெங்கு தடுப்புப் பணி மற்றும் அங்குள்ள நியாயவிலைக் கடையில் பொருள்கள் வழங்கல் குறித்தும், காளிகவுண்டம்பாளையம் பகுதியில் உள்ள அங்கன்வாடி மையம் உள்ளிட்ட இடங்களில் ஆய்வு மற்றும் திட்டப் பணிகள் குறித்து மாவட்ட ஆட்சியா் சி.அ.ராமன் திங்கள்கிழமை நேரில் ஆய்வு செய்தாா்.

அப்போது, மாவட்ட ஊரக வளா்ச்சி முகமை கூடுதல் இயக்குநா் அருள்ஜோதி அரசன், சுகாதாரப் பணிகள் துணை இயக்குநா் செல்வகுமாா், உதவி செயற்பொறியாளா் அருள், மகுடஞ்சாவடி வட்டார மருத்துவ அலுவலா் முத்துசாமி, வட்டார வளா்ச்சி அலுவலா்கள் வெங்கடேசன், செல்வராஜ், உதவி இயக்குநா் (தணிக்கை) மணிவாசகம் , உதவி பொறியாளா் துரைசாமி, மகுடஞ்சாவடி வருவாய் ஆய்வாளா் சித்ரா உள்ளிட்டோா் உடனிருந்தனா்.