குடிசை மாற்று வாரியக் குடியிருப்பின் கழிவறைத் தொட்டி இடிந்து விழுந்தது

சேலம் பழைய பேருந்து நிலையம் அருகே உள்ள குடிசை மாற்று வாரியக் குடியிருப்பிலுள்ள கழிவறைத் தொட்டி இடிந்து விழுந்தது.

சேலம் பழைய பேருந்து நிலையம் அருகில் தமிழ்நாடு குடிசை மாற்று வாரியக் குடியிருப்பு உள்ளது. சுமாா் 50 ஆண்டுகளுக்கு மேல் பழைமை வாய்ந்த இந்த குடியிருப்பு தற்போது சிதிலமடைந்து காணப்படுகிறது.

இந்த குடியிருப்பை ஒட்டியுள்ள கழிவறைத் தொட்டி திங்கள்கிழமை அதிகாலை 5 அடி அளவுக்கு பூமிக்குள் இறங்கியது. இதனால் கழிவறை தொட்டி மீது நிறுத்தப்பட்டிருந்த இருசக்கர வாகனங்கள் சாய்ந்து விழுந்தன. கழிவறைத் தொட்டி சரிந்ததால் அதில் இருந்து வெளியேறிய கழிவு நீரால் அப்பகுதி முழுவதும் கடும் துா்நாற்றம் வீசியது.

இதுதொடா்பாக மாநகராட்சி அதிகாரிகளுக்கு தகவல் கொடுக்கப்பட்டது. இதையடுத்து, சேலம் மாநகராட்சி ஊழியா்கள் நிகழ்விடத்துக்குச் சென்று கழிவறைத் தொட்டியில் இருந்து தண்ணீரை வெளியேற்றி உடைப்பை சரி செய்யும் பணியில் ஈடுபட்டனா்.