மேட்டூர் அணை நிலவரம்

கர்நாடக மாநிலத்தில் காவிரியின் நீர்ப்பிடிப்பு பகுதிகளில் மழை குறைந்ததால் கர்நாடகா அணைகளில் இருந்து காவிரியில் வெளியேற்றப்பட்டு வரும் நீரின் அளவு படிப்படியாக குறைக்கப்பட்டு வருகிறது.

இதனால் நேற்று காலை  மேட்டூர் அணைக்கு வினாடிக்கு 4934கன அடி வீதம் வந்துகொண்டிருந்த நீர்வரத்து இன்று காலை 4171கன அடியாக குறைந்தது. மேட்டூர் அணைக்கு வரும் நீரின் அளவைவிட பாசனத்திற்கு திறக்கப்படும் நீரின் அளவு அதிகமாக இருப்பதால் இன்று காலை மேட்டூர் அணை நீர்மட்டம் 71.05அடியிலிருந்து 69.98அடியாக குறைந்தது.

அணையில் இருந்து காவிரி டெல்டா பாசனத்திற்கு வினாடிக்கு 14,000கன அடி நீரும் கிழக்கு மேற்கு கால்வாய் பாசனத்திற்கு வினாடிக்கு 700கன அடி நீரும் திறக்கப்பட்டுள்ளது. அணையின் நீர் இருப்பு 32.68 டி.எம்.சியாக இருந்தது.