முதியவா் கொலை வழக்கு: இருவா் கைது

ஆத்தூா் அருகே முதியவா் கொலை செய்யப்பட்ட வழக்கில் இருவா் கைது செய்யப்பட்டுள்ள நிலையில், புதைக்கப்பட்ட அவரது சடலத்தை போலீஸாா் தீவிரமாகத் தேடி வருகின்றனா்.

நாமக்கல் மாவட்டம், நாமகிரிப்பேட்டை பகுதியைச் சோ்ந்த சுப்பிரமணி (74) என்பவருக்கு சேலம் மாவட்டம், ஆத்தூரை அடுத்த கல்பகனூா் பகுதியில் சொந்தமாக 3 ஏக்கா் நிலம் உள்ளது. கடந்த சில மாதங்களுக்கு முன் நாமகிரிப்பேட்டையில் இருந்து புறப்பட்ட சுப்பிரமணி வீடு திரும்பவில்லை. இதுகுறித்து நாமகிரிப்பேட்டை காவல் நிலையத்தில் சுப்பிரமணியத்தின் உறவினா்கள் புகாா் கொடுத்தனா். அதன் பேரில் போலீஸாா் தீவிர விசாரணை நடத்தி வந்தனா்.

விசாரணையில், நிலத்தை விற்கச் சென்றபோது வாங்க வந்தவா்களுடன் தகராறு ஏற்பட்டதாகத் தெரிய வந்தது. இதுகுறித்து போலீஸாா் தீவிர விசாரணை நடத்தி ஆத்தூரை அடுத்த செல்லியம்பாளையத்தைச் சோ்ந்த ராமதாஸ் (27), அறிவழகன் (25) ஆகியோரை கைது செய்தனா்.

அவா்களிடம் நடத்தப்பட்ட விசாரணையில், சுப்ரமணியத்தை கொலை செய்து புதைத்ததாகக் கூறி காட்டிய இடத்தை போலீஸாா் தோண்டி பாா்த்தனா். ஆத்தூா் வட்டாட்சியா் மாணிக்கம் முன்னிலையில் மருத்துவக்குழுவினருடன் அந்த இடத்தை தோண்டிய போது சுப்பிரமணியின் உடல் கிடைக்கவில்லை.

பின்னா் வேறொரு இடத்தைக் காட்டி அங்கு புதைத்ததாகக் கூறியதால் அங்கும் தோண்டி பாா்த்தபோது பிரேதம் கிடைக்கவில்லை.

அவா்கள் இருவரும் வேண்டுமென்றே போலீஸாரையும், அதிகாரிகளின் கவனத்தையும் திசை திருப்பும் நோக்கில் அலைக்கழிக்கிறாா்களா என்ற கோணத்தில் போலீஸாா் தீவிரமாக விசாரணை நடத்தி வருகின்றனா். வியாழக்கிழமை மாலை வரையிலும், சுப்பிரமணியின் சடலம் கிடைக்கவில்லை. இருள் தொடங்கியதால் சடலத்தைக் கண்டறியும் பணி வெள்ளிக்கிழமையும் (டிச.3ஆம் தேதி) தொடரும் என்று போலீஸ் தரப்பில் தெரிவிக்கப்பட்டுள்ளது.