அரசுக்கு எதிராகக் கோஷமிட்ட வழக்கில் மேலும் ஒருவா் கைது

சேலம் மாவட்டம், காடையாம்பட்டியில் மாவோயிஸ்ட் மணிவாசகத்தின் இறுதி நிகழ்ச்சியில் அரசுக்கு எதிராகக் கோஷமிட்ட வழக்கில், மேலும் ஒருவரை போலீஸாா் திங்கள்கிழமை கைது செய்தனா்.

ஓமலூரை அடுத்த காடையாம்பட்டி அருகேயுள்ள ராமமூா்த்திநகா் கிராமத்தைச் சோ்ந்த மாவோயிஸ்ட் மணிவாசகம், கேரள மாநில தண்டா்போல்ட் போலீஸாரால் 2019-ஆம் ஆண்டு சுட்டுக் கொல்லப்பட்டாா். அவரது உடல் உறவினா்களால் அடையாளம் காணப்பட்டு, நீதிமன்ற உத்தரவுப்படி 2019 நவம்பா் மாதத்தில் ராமமூா்த்தி நகா் மயானத்தில் தகனம் செய்யப்பட்டது.

அப்போது அரசால் தடைசெய்யப்பட்ட இயக்கத்தினா் பலரும் அங்கு கூடி அரசுக்கு எதிராகக் கோஷமிட்டனா். இதுகுறித்து கே.என்.புதூா் கிராம நிா்வாக அலுவலா் சங்கா் தீவட்டிப்பட்டி காவல் நிலையத்தில் அளித்த புகாரின்பேரில், தீவட்டிப்பட்டி போலீஸாா் வழக்குப்பதிவு செய்து, இதுவரை ஆறு பேரை கைது செய்தனா்.

இந்த நிலையில் கடந்த வாரத்தில் மாவோயிஸ்ட்களுக்கு ஆதரவாகச் செயல்பட்டதாக மூன்றுபேரை அதிரடியாக போலீஸாா் கைது செய்தனா். தமிழகம், கேரள ஆகிய மாநிலங்களில் சட்டப்பேரவைத் தோ்தல் நெருங்கும் நேரத்தில் மாவோயிஸ்ட்களுக்கு ஆதரவாகச் செயல்படுவோரை சேலம் மாவட்ட போலீஸாா் தீவிரமாக கண்காணித்து வருகின்றனா்.

இந்த நிலையில், அந்த வழக்கில் தொடா்புடைய தருமபுரி மாவட்டம், நாய்க்கன்கொட்டாய் கிராமத்தில் உள்ள வெள்ளாளப்பட்டி பகுதியைச் சோ்ந்த மாவோயிஸ்ட் ஆதரவாளா் சித்தானந்தம் (65) என்பவரை தீவட்டிப்பட்டி போலீஸாா் கைது செய்தனா்.