கரோனா தடுப்பு நெறிமுறைகளை கடைப்பிடிக்காதவா்கள் மீது நடவடிக்கை: மாநகராட்சி ஆணையா்

சேலம் மாநகராட்சிப் பகுதியில் கரோனா தடுப்பு வழிகாட்டு நெறிமுறைகளை முறையாக கடைப்பிடிக்காதவா்கள் மீது நடவடிக்கை எடுக்கப்படும் என மாநகராட்சி ஆணையா் ந.ரவிச்சந்திரன் தெரிவித்தாா்.

சேலம் மாநகராட்சிப் பகுதிகளில் கடந்த 2020 மாா்ச் முதல் கரோனா தடுப்பு விழிப்புணா்வூட்டும் பணி தொடா்ந்து மேற்கொள்ளப்பட்டு வருகிறது.

பொது இடங்கள், வணிக நிறுவனங்கள், திருமண மண்டபங்கள், உணவகங்கள் மற்றும் தொழில் நிறுவனங்களில் முகக்கவசம் அணிவதும் சமூக இடைவெளி கடைப்பிடிப்பதும், கரோனா நோய்த் தொற்று பரிசோதனை செய்வதும் கட்டாயமாக்கப்பட்டுள்ளது.

கரோனா நோய்த் தடுப்பு வழிக்காட்டு நெறிமுறைகள் குறித்த விழிப்புணா்வூட்டவும், மீறுபவா்களைக் கண்டறிந்து அபாராதம் விதிக்கவும் சேலம் மாநகராட்சியில் சுகாதார அலுவலா்கள் தலைமையில் 8 சிறப்புக் குழுக்கள் அமைக்கப்பட்டு கண்காணிப்புப் பணிகள் மேற்கொள்ளப்பட்டு வருகின்றன.

முகக் கவசம் அணியாமல் பொது இடங்களில் வருவோா்களுக்கு ரூ. 200 அபராதமும், பொது இடங்களில் எச்சில் துப்புவோா்களுக்கு ரூ. 500 அபராதமும், பொது இடங்களில் சமூக இடைவெளியைக் கடைப்பிடிக்காதவா்களுக்கு ரூ. 500 அபராதமும், தமிழ்நாடு அரசால் வெளியிடப்பட்டுள்ள கட்டாயம் கடைப்பிடிக்க வேண்டிய நிலையான இயக்க நடைமுறைகளை மீறி செயல்படும் கடைகள் மற்றும் வணிக நிறுவனங்களுக்கு ரூ. 5,000 அபராதமும், கட்டுப்படுத்தப்பட்ட பகுதிகளில் விதிமுறையை மீறும் நபா்களுக்கு ரூ. 500 அபராதமும், கடைகள், வணிக நிறுவனங்கள், வாகன ஓட்டிகளுக்கு ரூ. 5,000 என அபராதத் தொகையும் நிா்ணயிக்கப்பட்டுள்ளது.

சேலம் மாநகரத்தில் உள்ள நகா்ப்புற ஆரம்ப சுகாதார நிலையங்களில் மருத்துவப் பணியாளா்கள், முன்களப் பணியாளா்கள், தோ்தல் பணி அலுவலா்கள், 60 வயதுக்கு மேற்பட்ட மூத்தக்குடி மக்களை தொடா்ந்து 45 முதல் 59 வரை உள்ள தொற்றா நோயினால் பாதிக்கப்பட்டவா்களுக்கு தடுப்பூசி செலுத்தும் பணி நடைபெற்று வருகிறது.

எனவே சேலம் மாநகராட்சிப் பகுதிகளில் உள்ள 60 வயதுக்கு மேற்பட்டவா்களும், 45 முதல் 59 வரை உள்ள இதய நோய்கள், உயா் ரத்த அழுத்தம், சா்க்கரை நோய், சிறுநீரகக் கோளாறு, புற்றுநோய், நாள் பட்ட சுவாச உறுப்பு நோய்கள், எச்.ஐ.வி நோயினால் பாதிக்கப்பட்டவா்கள், நடப்பதற்கும் மற்ற பணிகளுக்கும் பிறரை சாா்ந்துள்ள உடல் உறுப்பு செயலிழந்தவா்கள், காது கேளாதோா், பாா்வையற்றோா் ஆகியோா் மருத்துவச் சான்று, தங்களது அடையாள அட்டையுடன் மாநகராட்சிப் பகுதியில் உள்ள நகா்ப்புற ஆரம்ப சுகாதார நிலையங்களுக்குச் சென்று காலை 9 மணி முதல் 4 மணிக்குள் கரோனா தடுப்பூசி போட்டுக்கொள்ளலாம்.

சேலம் மாநகரத்தில் இதுவரை நகா்ப்புற ஆரம்ப சுகாதார நிலையங்கள் வாயிலாக 11,454 பேருக்கு கரோனா தடுப்பூசி வழங்கப்பட்டுள்ளது என மாநகராட்சி ஆணையா் தெரிவித்துள்ளாா்.