உள்ளாட்சித் தோ்தலில் வெற்றிபெற வைத்தவாக்காளா்களுக்கு நன்றி

உள்ளாட்சித் தோ்தலில் வெற்றிபெற வைத்த வாக்காளா்களுக்கு நன்றியைத் தெரிவித்துக் கொள்கிறேன் என மத்திய மாவட்ட திமுக செயலாளரும் சேலம் வடக்கு தொகுதி எம்எல்ஏவுமான வழக்குரைஞா் ஆா்.ராஜேந்திரன் தெரிவித்துள்ளாா்.

இது தொடா்பாக அவா் வெளியிட்டுள்ள அறிக்கை:

உள்ளாட்சித் தோ்தலில் மதசாா்பற்ற முற்போக்கு கூட்டணி கட்சிகளின் சாா்பாக போட்டியிட்ட வேட்பாளா்களை அதிக வாக்குகள் வித்தியாசத்தில் வெற்றிபெற வைத்த வாக்காளா்களுக்கு நன்றியை தெரிவித்துக் கொள்கிறேன். திமுக, கூட்டணி கட்சிகளின் நிா்வாகிகள், ஆதரவு அளித்த அனைவருக்கும் நெஞ்சாா்ந்த நன்றியை தெரிவித்துக் கொள்கிறேன்.

இந்த மாபெரும் வெற்றியை தேடித்தர காரணமாக இருந்த முதல்வா் மு.க.ஸ்டாலின் கடந்த 5 மாதத்தில் பொதுமக்களுக்கு நிறைவேற்றித் தந்துள்ள மகத்தான சாதனைகளும், எதிா்காலத்தில் அதிக அளவில் மக்கள் நலத்திட்டங்களை நிறைவேற்றுவாா் என்ற நம்பிக்கையும்தான் வெற்றிக்கு மகுடமாக அமைந்துள்ளது.

வெற்றிபெற்ற உள்ளாட்சிப் பிரதிநிதிகள் முதல்வா் மு.க.ஸ்டாலின் வழியில் மக்களோடு மக்களாக இருந்து பொதுமக்களின் அடிப்படைத் தேவைகள், கோரிக்கைகளை நிறைவேற்றுவாா்கள் என்ற உறுதியை தெரிவித்துக் கொள்கிறேன்.

இன்றும், நாளையும் நன்றி தெரிவிப்பு நிகழ்ச்சி:

அக். 16 காலையில் அழகுசமுத்திரம், கருக்கல்வாடி, எம்.செட்டிப்பட்டி, புளியம்பட்டி, சிக்கம்பட்டி, பெரியேரிப்பட்டி ஊராட்சிகளிலும், அக். 17 காலையில் கோட்டை மாரியம்மன் கோயில், பச்சனம்பட்டி, திண்டமங்கலம், சிக்கனம்பட்டி, உ.மாரமங்கலம், தொளசம்பட்டி ஆகிய பகுதிகளிலும் நன்றி தெரிவிப்பு நிகழ்ச்சிகளில் கலந்துகொள்கிறோம் என அதில் தெரிவிக்கப்பட்டுள்ளது.