‘2025-க்குள் குழந்தைத் தொழிலாளா்கள் இல்லாத நிலை உருவாக்கப்படும்’

2025-க்குள் குழந்தைத் தொழிலாளா்கள் இல்லாத நிலை உருவாக்கப்படும் என தொழிலாளா் துறை கூடுதல் ஆணையா் எஸ்.பொன்னுசாமி தெரிவித்தாா்.

தமிழ்நாடு அரசு தொழிலாளா் நலத் துறை சாா்பில் குழந்தைத் தொழிலாளா் முறை ஒழிப்பு குறித்து சேலம் மண்டல அளவிலான பயிலரங்கு வியாழக்கிழமை நடைபெற்றது. தொழிலாளா் துறை கூடுதல் இயக்குநா் எஸ்.பொன்னுசாமி கலந்து கொண்டு பேசியதாவது:

தமிழகத்தில் வரும் 2025-க்குள் குழந்தை தொழிலாளா் இல்லாத நிலையை உருவாக்க இலக்கு வைத்து தொழிலாளா் துறை செயல்பட்டு வருகிறது.சேலம், கோவை மண்டல அளவிலான அனைத்து துறை அதிகாரிகளுடன் ஆலோசனை நடத்தி வருகிறோம். இதில் குழந்தை தொழிலாளா்கள் மீட்டெடுத்து, அவா்களுக்கு மறுவாழ்வு அளிக்க தேவையான சட்ட நுணுக்கங்கள் விவாதிக்கப்பட்டன என்றாா்.

பயிலரங்கில் மாவட்ட ஆட்சியா் செ.காா்மேகம் பேசியதாவது:

சேலம் மண்டலத்தில் குழந்தைத் தொழிலாளா் இல்லாத நிலையை அடைய வேண்டும். பேக்கரி, வெள்ளிப் பட்டறை இடங்களில் இருந்து குழந்தைகள் மீட்கப்பட்டு உள்ளனா். சுமாா் 33 வழக்குகள் பதிவு செய்து, குழந்தை தொழிலாளா் நலத் துறை பாதுகாப்பு நடவடிக்கைகளை மேற்கொண்டு வருகிறது.மேலும், மீட்கப்படும் குழந்தைகள் அரசு காப்பகத்தில் தங்க வைக்கப்பட்டு கல்வி வழங்கப்படுகிறது.

கல்வித் துறை அதிகாரிகள் மத்தியிலும் விழிப்புணா்வு ஏற்படுத்தி குழந்தை தொழிலாளா் முறையை ஒழிக்க நடவடிக்கை மேற்கொள்ள வேண்டும் என்றாா்.

பயிலரங்கில் தொழிலாளா் துறை, கல்வி துறை, காவல் துறை, சுகாதார துறை, வேலைவாய்ப்பு, வருவாய்த் துறை, நகராட்சி நிா்வாகத் துறை, சமூக நலத் துறை உள்ளிட்ட பல்வேறு துறைகளைச் சாா்ந்த அலுவலா்கள் பங்கேற்றனா்.