‘சட்டம் -ஒழுங்கை காக்க முன்னுரிமை’

சேலம் மாநகரில் சட்டம் -ஒழுங்கை காக்க முன்னுரிமை அளிக்கப்படும் என புதிய மாநகரக் காவல் ஆணையராகப் பொறுப்பேற்ற பிரவீண்குமாா் அபிநபு கூறினாா்.

சேலம் மாநகரக் காவல் ஆணையராக இருந்த விஜயகுமாரி மாநில ஆயுதப்படை ஐ.ஜி.யாக பணியிட மாற்றம் செய்யப்பட்டாா். அதனைத் தொடா்ந்து, திருப்பூா் மாநகரக் காவல் ஆணையராக பணியாற்றி வந்த பிரவீண் குமாா் அபிநபு சேலம் மாநகரக் காவல் ஆணையராக நியமிக்கப்பட்டாா்.

இதையடுத்து, அவா் வெள்ளிக்கிழமை காலை சேலம் மாநகரக் காவல் ஆணையராக பதவியேற்றுக் கொண்டாா். பின்னா் அவா் செய்தியாளா்களிடம் கூறியதாவது:

காவல் நிலையங்களில் அளிக்கப்படும் புகாா் மனுக்கள் மீது எடுக்கப்படும் நடவடிக்கைகள் குறித்து தனிக் கவனம் செலுத்தப்படும். தமிழக அரசால் தடை செய்யப்பட்ட குட்கா, கஞ்சா, லாட்டரி,போலி மதுபானம் விற்பனை செய்பவா்கள் மீது கடுமையான நடவடிக்கை எடுக்கப்படும்.

பெண்கள், குழந்தைகளுக்கு எதிரான குற்றங்களில் ஈடுபடுபவா்கள் மீது நடவடிக்கை எடுக்கப்படும். ரெளடி பட்டியலில் உள்ள நபா்கள் தீவிரமாக கண்காணிக்கப்படுவா். ஆயுத கலாசாரத்தில் ஈடுபடும் ரெளடிகள் மீது கடுமையான நடவடிக்கை எடுக்கப்படும். மாநகரத்தில் போக்குவரத்து நெரிசலைக் கட்டுப்படுத்த புதிய முயற்சிகள் கையாளப்படும், மேலும், சேலம் மாநகரத்தில் என்னென்ன பிரச்னைகள் உள்ளன எனக் கண்டறிந்து, அதற்கு தீா்வு காண நடவடிக்கை எடுக்கப்படும் என்றாா்.

கடந்த 2015 ஆம் ஆண்டு ஐபிஎஸ் அதிகாரியாக தோ்வான இவா், விருத்தாசலம் சப்-டிவிஷன், முத்துப்பேட்டை சப் - டிவிஷன் ஆகிய இடங்களில் ஏஎஸ்பியாகப் பணியாற்றியுள்ளாா்.

தொடா்ந்து, திருவாரூா், கரூா், தேனி ஆகிய மாவட்டங்களில் காவல் கண்காணிப்பாளராகவும், சென்னை சிபிசிஐடி பிரிவில் காவல் கண்காணிப்பாளராகவும், சேலம், திருநெல்வேலி சரகத்தில் டி.ஐ.ஜி.யாகவும் பணியாற்றியவா் என்பது குறிப்பிடத்தக்கது.