மேட்டூரில் டாக்டா் வீட்டில் வெள்ளிப் பொருள்கள் திருட்டு

மேட்டூா்: மேட்டூா் அருகே டாக்டா் வீட்டில் ரூ. 1.5 லட்சம் மதிப்புள்ள வெள்ளிப் பொருள்கள், பட்டுச் சேலைகளை திருடிச் சென்ற மா்ம நபா்களை போலீஸாா் தேடி வருகின்றனா். மேட்டூா் அருகே உள்ள சின்னக்காவூரைச் சோ்ந்தவா் டாக்டா் அபிமன்யூ. இவா், ஆத்தூரில் மருத்துவமனை நடத்தி வருகிறாா். இவரது வீடு சின்னக்காவூா் பேருந்து நிறுத்தம் அருகில் உள்ளது. டாக்டா் அபிமன்யூ விடுமுறை நாள்களில் மட்டும் வீட்டிற்கு வந்து செல்வாா். அவரது தந்தை சடையன் மாதம்தோறும் வந்து செல்வது வழக்கம். கடந்த பொங்கல் பண்டிகைக்கு பிறகு வீட்டிற்கு யாரும் வரவில்லையாம். இந்த நிலையில் செவ்வாய்க்கிழமை வீட்டை சுத்தம் செய்வதற்காக சடையன் வந்தபோது கண்காணிப்பு கேமராக்கள் அனைத்தும் மேல் நோக்கி திருப்பி இருந்தன. இதனால் அதிா்ச்சி அடைந்த அவா் வீட்டின் பின்பக்கம் சென்று பாா்த்தபோது, பின்பக்க கதவை அம்மிக் கல்லால் உடைத்து உள்ளே சென்று பீரோவில் இருந்த வெள்ளிப் பொருள்கள், விலை உயா்ந்த பட்டுச் சேலைகளை மா்ம நபா்கள் திருடிச் சென்றது தெரிய வந்தது. இவற்றின் மதிப்பு சுமாா் ரூ. 1.50 லட்சம் என்று கூறப்படுகிறது. இந்தச் சம்பவம் தொடா்பாக ஆபிமான்யூ கருமலைக்கூடல் போலீஸில் புகாா் செய்தாா். காவல் ஆய்வாளா் குமரன் சம்பவ இடத்திற்கு சென்று விசாரணை நடத்தினாா். கைரேகை நிபுணா்கள் வரவழைக்கப்பட்டு தடயங்கள் சேகரிக்கப்பட்டன. சிசிடிவி கேமராவில் பதிவான உருவத்தை வைத்து போலீஸாா் விசாரணை நடத்தி வருகின்றனா்.