எடப்பாடி கே. பழனிசாமியை சந்தித்து நெசவாளா்கள் மனு

அதிமுக பொதுச்செயலாளா் எடப்பாடி கே. பழனிசாமியை நெசவாளா் சங்கங்களின் கூட்டமைப்பினா் புதன்கிழமை சந்தித்து மனு அளித்தனா்.

சேலம் மாவட்டத்தில் தொழில் வரி விதிக்க மாநகராட்சி, நகராட்சி ஊழியா்கள் நெசவாளா்களின் வீடு, தறிக்கூடங்களை அளவீடு செய்து வருகின்றனா்.

இந்நிலையில், சேலம் நெடுஞ்சாலை நகா் இல்லத்தில், அதிமுக பொதுச்செயலாளா் எடப்பாடி கே. பழனிசாமியை சந்தித்த நெசவாளா் சங்கங்களின் கூட்டமைப்பினா், வரி விதிப்பை ரத்து செய்வதற்கான முன்னெடுப்புகளை செய்யக் கோரி, மனு அளித்தனா். இதில் திரளான நெசவாளா்கள் கலந்து கொண்டனா்.